వెయ్యి ఎకరాలు దత్తత తీసుకుంటున్న నాగార్జున

తాజాగా బిగ్ బాస్ సీజన్ 5 కి ఆయన అతిథిగా విచ్చేశారు. ఈ సందర్భంగా నాగార్జునతో మాట్లాడుతూ.. గ్రీన్ ఇండియా ఛాలెంజ్ ను మొదలుపెట్టి 3 సంవత్సరాలు అయిందని, ఇప్పటి వరకూ 16 కోట్ల మొక్కలను నాటామని ఎంపీ సంతోష్ కుమార్ తెలిపారు. దాంతో నాగార్జున అవాక్కయ్యారు. అంతేకాకుండా చాలామంది సెలబ్రిటీలతో కొన్ని మొక్కలు, పార్కులు, అడవులను దత్తత తీసుకునేలా చేశామని పేర్కొన్నారు. హీరో ప్రభాస్‌ 1650 ఎకరాలు దత్తత తీసుకుని దాన్ని హరితవనంగా మార్చేందుకు సిద్ధపడ్డారని, శర్వానంద్ ఒక పార్కుని దత్తత తీసుకున్నారని తెలిపారు. ఎంపీ సంతోష్ కుమార్ కు మొక్కల నాటడం పట్ల ఉన్న ఆనందాన్ని చూసిన నాగార్జున ఫిదా అయ్యారు. తాను కూడా సంతోష్ ఎక్కడ చూపిస్తే అక్కడ 1000 ఎకరాలను దత్తత తీసుకుని..దానిని హరితవనంగా మార్చేందుకు సిద్ధంగా ఉన్నట్లు చెప్పారు.