సీతారామం స్టార్ మృణాల్ ఠాకూర్ గురించి క్రేజీ వార్తలు వైరల్

ఎన్నాళ్ల నుండో బాలీవుడ్ భామ మృణాల్ ఠాకూర్ ఎదురు చూసిన సక్సెస్ టాలీవుడ్ లో సీతారామం రూపంలో వచ్చేసింది. టాలీవుడ్ లో అరంగేట్రం చేసిన సీతారామంతో ఆమె ప్రశంసలు అందుకుంది. ఆగస్ట్ 5న థియేటర్లలో విడుదలైన ఈ చిత్రం బాక్సాఫీస్ వద్ద అంచనాలకు మించి వసూళ్లు రాబట్టింది. ఈ సినిమాతో మృణాల్ కు టాలీవుడ్ లో వరుస ఆఫర్లు వస్తాయని భావిస్తూ ఉన్నారు. అంతే కాకుండా ఆమెకు సంబంధిన రూమర్స్ కూడా బాగా ఎక్కువయ్యాయి. తాజాగా స్వప్నా దత్ నిర్మించబోయే లేడీ ఓరియెంటెడ్ చిత్రం కోసం ఆమెను తీసుకునే అవకాశాలు ఉన్నాయని అంటున్నారు. త్వరలో టాలీవుడ్ దర్శకురాలు బివి నందిని రెడ్డితో కలిసి మృణాల్ పనిచేయవచ్చనే కథనాలు వస్తున్నాయి. దీనిపై ఇంకా ఎటువంటి నిర్ధారణ లేదు.