అఖిల్ - ప్రియా యాడ్ ఓకె.. మరి సినిమా...!

సినిమాలు ఆడినా ఆడకపోయినా అవి ఏమీ పట్టించుకోకుండా తన పని తాను చేసుకుంటూ వెళ్లిపోతుంటాడు అక్కినేని అఖిల్. ఈ నేపథ్యంలోనే అతను చాలా యాడ్స్ లో యాక్ట్ చేసాడు. తండ్రితో, వదిన సమంతతో కలిసి యాడ్స్ చేసాడు అఖిల్. రీసెంట్ గా మరో యాడ్ చేసి హాట్ టాపిక్ అయ్యాడు ఈ అక్కినేని కుర్రోడు. ప్రస్తుతం వెంకీ అట్లూరి డైరెక్షన్ ఓ సినిమా చేస్తూనే.. సౌత్ ఇండియా షాపింగ్ మాల్ యాడ్ లో దర్శనమిచ్చాడు. అఖిల్ తో పాటు కనుసైగల బ్యూటీ ప్రియాప్రకాష్ వారియ‌ర్ నటించడంతో హాట్ టాపిక్ గా మారింది. ఈ వీడియోతో పాటు ఫొటోలు కూడా సోషల్ మీడియాలో వైరల్ అవుతున్నాయి. ఆ మధ్య వీరిద్దరూ కలిసి ఓ సినిమాలో నటిస్తున్నారని వార్తలు వచ్చాయి. అయితే అది ఎంతవరకు వచ్చిందో తెలియదు కానీ ఓ యాడ్ లో మాత్రం దర్శనమిచ్చారు.