ఆర్ఆర్ఆర్ బ్లాస్టింగ్ ప్రీ రిలీజ్ ఈవెంట్ కు సర్వం సిద్ధం

అనుకున్న సమయం రానే వచ్చింది. మొదటగా.. బాలీవుడ్ లో బ్లాస్టింగ్ ప్రీ రిలీజ్ ఈవెంట్ కు ప్లాన్ చేశారు మేకర్స్. ముంబైలో ఈ ఈవెంట్ జరగనుంది. బ్లాస్టింగ్ ఎపిసోడ్ కు సర్వం సిద్ధమైంది. ఆదివారం జరిగే ఈ తొలి ప్రమోషన్ ఈవెంట్ ను కని వినీ ఎరుగని రీతిలో నిర్వహిస్తున్నట్లు ఆర్ఆర్ఆర్ సోషల్ మీడియా యూనిట్ అప్డేట్స్ ఇస్తోంది. భారీ సెట్టింగ్స్ తో గతంలో ఏ ప్రీ రిలీజ్ ఈవెంట్ వేడుకకు జరగని విధంగా, బాలీవుడ్ ఆడియన్స్ అభిరుచి మేరకు.. మంచి హంగులతో ఆర్ఆర్ఆర్ టీమ్ ఈ ఈవెంట్ ని ప్లాన్ చేశారు. ఈ ఈవెంట్ నెవెర్ బిఫోర్ అనేలా ఉండేందుకు స్వయంగా రాజమౌళి, తారక్, చరణ్ రంగంలోకి దిగి ఏర్పాట్లు చూసుకుంటున్నారు. అంతేకాదు.. చెర్రీ, తారక్ లు లైవ్ ఫెర్ఫామెన్స్ కూడా ఇస్తారని టాక్. ఈ ఈవెంట్ ఎంత గ్రాండ్ గా జరిగింది ? ఎవరెవరు వచ్చారన్న విషయాలు తెలియాలంటే.. సాయంత్రం వరకూ ఆగాల్సిందే.