డైరెక్టర్ క్రిష్‌తో అల్లు అర్జున్ సినిమా అన్నారు.. కానీ అది..

ఈరోజు (సెప్టెంబర్ 28) ఉదయం ఐకాన్ స్టార్ అల్లు అర్జున్ (Allu Arjun) కి సంబంధించిన ఒక వార్త బయటికి వచ్చింది. టాలీవుడ్ దర్శకుడు క్రిష్ జాగర్లమూడితో బన్నీ ఒక మూవీ చేయబోతున్నాడంటూ ఒక పోస్టర్ సోషల్ మీడియాలో వైరల్ అయ్యింది. ఆ పోస్టర్ లో మూవీ టైటిల్ 'కభీ అప్నే కభీ సప్నే' అని ఉండి.. ఏ ఫిల్మ్ బై క్రిష్ జాగర్లమూడి అని కనిపిస్తుంది. అలాగే పోస్టర్ లో బన్నీని రెండు లుక్స్ లో చూపించారు.

ఇక సడన్ గా ఈ పోస్టర్ చూసిన అభిమానులు అసలు ఇది ఏమైంటుందని ఆలోచనలో పడ్డారు. ఒకవేళ ఏదైన కమర్షియల్ యాడ్ అయ్యింటుందని అని అనుకున్నారు. అయితే పోస్టర్ లో హిందీ టైటిల్ ఉండడంతో ఏమన్నా బాలీవుడ్ ప్రాజెక్టా..? అనే సందేహం కూడా మొదలైంది. సరిలే త్వరలోనే ఇది ఏంటనేది తెలుస్తుందిలే అని అనుకుంటున్న సమయంలో.. నెట్టింట ఒక వీడియో ప్రత్యెక్షమైంది. ఆ వీడియోలో ఒక బస్ట్ స్టేషన్ లో చిత్రీకరించిన సన్నివేశాలను చూపించారు.