అప్పుడు కాదంది.. ఇప్పుడు ఓకె చెబుతుందా..?

తమిళనాట మణిరత్నానికి స్టార్ హీరోలు హ్యాండ్ ఇస్తున్నప్పటికీ.. ఆయన మాత్రం నాలుగురైదుగురిని పెట్టి మల్టీస్టారర్ సినిమాలు తెరకెక్కించి తనలో ఇంకా సత్తా పోలేదని నిరూపిస్తూనే ఉన్నాడు. గతంలో రామ్ చరణ్ లాంటి వారు మణిరత్నాన్ని పక్కన పెట్టారంటూ వార్తలొచ్చాయి. ఇక చరణ్ లాంటి వాళ్లు హ్యాండ్ ఇచ్చాక శింబు, అరవింద్ స్వామి లాంటి హీరోలతో నవాబ్ సినిమాని తెరకెక్కించి హిట్ కొట్టాడు. తాజాగా మరో మల్టీస్టారర్ స్క్రిప్ట్ ని రెడీ చేసుకుని స్టార్ కాస్ట్ ని కూడా సిద్ధం చేసుకుంటున్నాడు. అయితే ఈ మల్టీస్టారర్ కోసం ముందుగా ఒక కీలక పాత్ర కోసం అనుష్కని సంప్రదించగా.. అప్పుడు తన వెయిట్ వలన అనుష్క ఆ రోల్ చెయ్యడానికి ఒప్పుకోలేదట. తాజాగా అనుష్క బాగా స్లిమ్ అవడమే కాదు సినిమాలు కూడా చేస్తుంది.

అనుష్క ఒప్పుకుంటుందా..?

అనుష్క చెయ్యనని చెప్పాక మణిరత్నం నయనతారని అప్రోచ్ అవడం.. ఆమె ఓకె చెప్పడం జరిగాయట. కానీ నయనతార ఇప్పుడు మణిరత్నం సినిమా నుండి తప్పుకుంది. నయనతార ఈ మధ్యన విజయ్, రజనీకాంత్ సినిమాల్లో హీరోయిన్ గా సైన్ చెయ్యడంతో.. మణిరత్నం సినిమాకి నో చెప్పిందట. ఎలాగూ మణిరత్నం సినిమా ఇంకా పట్టాలెక్కలేదు. అందుకే నయన్ తప్పుకుంది. అయితే నయన్ నో చెప్పాక మళ్లీ మణిరత్నం అనుష్క కోసం ప్రయత్నాలు మొదలు పెట్టాడట. మద్రాస్‌ టాకీస్ – లైకా ప్రొడక్షన్‌ సంయుక్తంగా నిర్మిస్తున్న ఈ చిత్రంలో తెలుగు, తమిళం, బాలీవుడ్‌కి చెందిన నటీనటులు నటిస్తున్నారు. మరి ఈ బడా మల్టీస్టారర్ లో ఆ ఇంపార్టెంట్ రోల్ కోసం అనుష్క ఒప్పుకుంటుందో లేదో అనేది ఇప్పుడున్న సస్పెన్స్.