బెల్లంకొండ హిందీ డెబ్యూ డైరెక్టర్ ఇతనా?

బెల్లంకొండ శ్రీనివాస్ తెలుగులో యాక్షన్ మూవీస్ తో బాగా పాపులర్ అయ్యాడు. ఇప్పటివరకు బ్లాక్ బస్టర్ హిట్ కొట్టకపోయినా.. బెల్లంకొండ రేంజ్ స్టార్స్ తో సమానం. ఆయన సినిమాల బడ్జెట్ స్టార్ హీరోగా సినిమాలకు ఏమాత్రం తీసిపోదు. ప్రస్తుతం సంతోష్ శ్రీనివాస్ డైరెక్షన్ లో తెరకెక్కుతున్న అల్లుడు అదుర్స్ సినిమా తర్వాత బెల్లంకొండ శ్రీనివాస్ బాలీవుడ్ ఎంట్రీకి ఏర్పాట్లు జరుగుతున్నాయని… రాజమౌళి – ప్రభాస్ హిట్ మూవీ ఛత్రపతికి శ్రీనివాస్ బాలీవుడ్ లో రీమేక్ చేయబోతున్నాడనే న్యూస్ ప్రచారంలో ఉంది. బెల్లంకొండ యాక్షన్ మూవీస్ బాలీవుడ్ యూట్యూబ్ ని షేక్ చేస్తుంటాయి. ఆ కాన్ఫిడెన్స్ తోనే శ్రీనివాస్ బాలీవుడ్ లో డైరెక్ట్ యాక్షన్ మూవీ చెయ్యాలని ఫిక్స్ అయినట్లున్నాడు. ఇక ఎప్పుడో వచ్చిన ఛత్రపతి సినిమా ని బాలీవుడ్ లో రీమేక్ చెయ్యడానికి భారీ మార్పులే జరుగుతున్నాయట.

అయితే ఈ హిందీ ఛత్రపతి కి డైరెక్టర్ గా సాహో డైరెక్టర్ సుజిత్ పేరు తెర మీదకి వచ్చింది. ఇప్పటికే సుజిత్ ఛత్రపతి హిందీ రీమేక్ ప్రేక్షకులకు నచ్చేలా.. అక్కడి నేటివిటీకి దగ్గరగా, యాక్షన్ ని హైలెట్ చేస్తూ మార్పులు చేర్పులు జారుతున్నాయని అంటున్నారు. మరి ప్రభాస్ తో సాహో లాంటి పాన్ ఇండియా మూవీ చేసిన సుజిత్ బెల్లకొండ శ్రీనివాస్ ఛత్రపతి రీమేక్ తో బాలీవుడ్ ఎంట్రీ ఏర్పాట్లు మొదలైనట్టుగా టాక్. ప్రభాస్ సాహో యాక్షన్ కి హిందీ ప్రేక్షకులు ఫిదా అవడంతో ఇప్పుడు ఛత్రపతి ని ఓ యాక్షన్ రీమేక్ గా తెరకెక్కించడానికి సుజిత్ అయితేనే పర్ఫెక్ట్ అని బెల్లంకొండ బ్యాచ్ ఫిక్స్ అయ్యి.. సుజిత్ ని రంగంలోకి దింపినట్టుగా తెలుస్తుంది.