భీమ్లా నాయక్ విడుదల వాయిదా ? మేకర్స్ ఏం చెప్తున్నారు ?

పవర్ స్టార్ పవన్ కల్యాణ్ - రానా దగ్గుబాటిల కాంబినేషన్ లో మల్టీస్టారర్ గా వస్తోన్న సినిమా భీమ్లా నాయక్. మలయాళంలో సూపర్ హిట్ అయిన అయ్యప్పన్ కోషియమ్ సినిమాకి తెలుగులో రీమేక్ గా తీస్తున్న ఈ సినిమా సంక్రాంతికి బరిలో దిగనుంది. కానీ.. ఇంకా షూటింగ్ పూర్తికాలేదు. లాస్ట్ షెడ్యూల్ షూట్ ఇంకా మిగిలి ఉండటంతో.. ఆ షెడ్యూల్ షూటింగ్ శనివారమే వికారాబాద్ లో ప్రారంభమైంది. దీంతో భీమ్లా నాయక్ సినిమాను అనుకున్న సమయానికే విడుదల చేస్తారా ? అన్న అనుమానాలొస్తున్నాయి. ఎందుకంటే.. విడుదల తేదీకి ఇరవై రోజులే సమయం ఉండగా ప్రస్తుతం సినిమా ఇంకా వికారాబాద్ అడవుల్లో షూటింగ్ జరుపుకుంటుంది. అది పూర్తయ్యాక పోస్ట్ ప్రొడక్షన్ పనులతో పాటు సినిమా ప్రమోషన్స్ చేపట్టాల్సి ఉంది. ఇవన్నీ 20 రోజుల్లో పూర్తవుతాయా ? ఖచ్చితంగా సినిమా విడుదల వాయిదా పడుతుందని సోషల్ మీడియాలో విపరీతంగా ప్రచారం జరుగుతోంది.