బిగ్ బాస్ 3 నుండి మొట్టమొదట ఎలిమినేట్ అయ్యే అకంటెస్టెంట్ ఎవరంటే….?

తెలుగు బిగ్ బాస్ అనేక కాంట్రవర్సీలతో గత ఆదివారమే మొదలై నేడు ఆదివారానికి వారం రోజులు పూర్తి చేసుకుంది. కింగ్ నాగార్జున ఎన్టీఆర్, నాని లకు ఏ మాత్రం తీసిపోకుండా హౌస్ వ్యాఖ్యాతగా చేస్తున్నాడు. నాగ్ స్టయిల్, హౌస్ లోని కంటెస్టెంట్స్ అందరూ సేఫ్ ఆడుతున్నారు అని అనిపిస్తున్నప్పటికీ… బిగ్ బాస్ సీజన్ 3 మొదలై వారం గడవకముందే హౌస్ లో రోజుకో గొడవ అన్నట్టుగా తయారైంది అక్కడ బిగ్ బాస్ హౌస్ వ్యవహారం. మరి బిగ్ బాస్ చెప్పినట్టుగా స్క్రిప్ట్ ప్రకారమే ఆ గొడవలు జరుగుతున్నాయో.. లేదంటే ఈగోల కారణంగానో తెలియదు గాని.. గొడవలతో షోని కంటెస్టెంట్స్ రక్తి కట్టిస్తున్నారు.

ఇక ఈ వారం బిగ్ బాస్ హౌస్ నుండి ఎలిమినేషన్స్ లో హేమ, జాఫర్, హిమజ, పునర్నవి, వితిక, రాహుల్ ఉన్నారు. నిన్న శనివారం నాగార్జున ఎపిసోడ్ లో నాగార్జున హిమజని, పునర్నవిని ఎలిమినేషన్ నుండి సేవ్ చేసాడు. ఇక మిగిలిన నలుగురిలో ఈ రోజు ఆదివారం ఎపిసోడ్ లో ఎలిమినేట్ అయ్యే కాంటెస్ట్ మీద అనేక ఊహాగానాలు ఉన్నాయి. అయితే హౌస్ లో అందరి మీద కాస్త పెత్తనం చేస్తూ ఉన్న నటి హేమ ఈ రోజు ఎలిమినేట్ కాబోతుంది. ఈవిషయం ముందుగానే సామజిక మాధ్యమాల్లో రావడం అందరిని షాక్ కి గురిచేస్తుంది కానీ… ఈ వారం బిగ్ బాస్ 3 నుండి ఎలిమినేట్ కాబోయే ఫస్ట్ కంటెస్టెంట్ మాత్రం నటి హేమనే అనే న్యూస్ మాత్రం బాగా హైలెట్ అయ్యింది