Sat Nov 23 2024 00:27:43 GMT+0000 (Coordinated Universal Time)
పాము కాటుకు గురైన బాలీవుడ్ హీరో సల్మాన్ ఖాన్
ప్రముఖ బాలీవుడ్ హీరో సల్మాన్ ఖాన్ పాముకాటుకు గురయ్యారు. ఆదివారం తెల్లవారుజామమున ఈ ఘటన జరిగింది. వెంటనే
ప్రముఖ బాలీవుడ్ హీరో సల్మాన్ ఖాన్ పాముకాటుకు గురయ్యారు. ఆదివారం తెల్లవారుజామమున ఈ ఘటన జరిగింది. వెంటనే సల్లూ భాయ్ ఆస్పత్రిలో చికిత్స తీసుకున్నట్లు తెలుస్తోంది. ఆదివారం ఉదయం సల్మాన్ ఖాన్ తన పన్వెల్ ఫామ్ హౌస్ లో ఉన్న సమయంలో ఆయన చేతిపై పాము కాటేసింది. అయితే.. ఆ పాము విషం లేనిదని తెలియడంతో.. ఊపిరి పీల్చుకున్నారు అభిమానులు. పాము కాటేసిన వెంటనే సల్మాన్ ను కమోతేలోని ఎంజీఎం ఆస్పత్రికి తీసుకెళ్లారు సిబ్బంది.
ప్రాణాపాయం లేదు..
సల్మాన్ ను పరీక్షించిన వైద్యులు.. ప్రస్తుతం ఎలాంటి ప్రాణాపాయం లేదని తెలిపారు. చికిత్స చేసి.. ఉదయం 9 గంటలకు ఆస్పత్రి నుంచి డిశ్చార్జి చేశారు. కాగా.. సల్మాన్ హిందీ బిగ్ బాస్ సీజన్ 15 ను హోస్ట్ చేస్తున్నారు. ఈ వారం వచ్చే ఎపిసోడ్ లో ఆర్ఆర్ఆర్ టీమ్ తో సల్లూ భాయ్ బీబీ హౌస్ స్టేజ్ పై సందడి చేయనున్నారు.
Next Story
