కామెడి కాదు.. ఎమోషన్

కామెడీ చేసినన్నాళ్లు… తెగ బిజీగా ఉంటూ రోజు వారి పారితోషకం అందుకున్న బ్రహ్మానందం ఇప్పుడు సినిమాల్లో అలా వచ్చి ఇలా వెళ్లిపోయే సీన్స్ కి టెంప్ట్ అవుతున్నాడు. ఎందుకంటే… కమెడియన్ గా అవకాశాలు లేక ఖాళీగా ఉన్న బ్రహ్మి.. ఏదో ఒకటి వచ్చింది వదులుకోవడమెందుకు అంటూ కాంప్రమైజ్ అయ్యాడు. వాల్మీకి సినిమాలో చిన్న రోల్ ప్లే చేసిన బ్రహ్మానందానికి ప్లాప్ డైరెక్టర్ కృష్ణవంశీ తన రంగమార్తాండ సినిమాలో ఓ కీలక పాత్ర ఇవ్వబోతున్నాడని తెలుస్తుంది.

కృష్ణవంశీ తెరకెక్కికించబోయే రంగమార్తాండ సినిమాలో బ్రహ్మానందానికి కామెడీ పాత్ర కాకుండా కన్నీళ్లు పెట్టించే ఒక ఉదాత్తమయిన పాత్ర ని రాసుకుననట్టుగా చెబుతున్నారు. మరి కమెడియన్ గా చూసిన బ్రహ్మి కన్నీళ్లు కూడా పెట్టిస్తాడని తెలుస్తుంది. చాలా ఎమోషన్ కలిగిన రోల్ అని… గుండెని మెలిపెట్టే భావోద్వేగాలు అందులో ఉంటాయని కృష్ణవంశీ చెబుతున్నాడు. కృష్ణవంశీ తన సినిమాలో బ్రహ్మి తో ఎలాంటి ఎమోషనల్ తో కన్నీళ్ళు తెప్పిస్తాడో చూడాలి