చిరు ఇంట్లో కమల్, సల్మాన్.. ఎందుకంటే

విలక్షణ నటుడు, తన చిరకాల మిత్రుడు కమలహాసన్ ను మెగాస్టార్ చిరంజీవి సన్మానించారు. 'విక్రమ్' సినిమా ఘన విజయం సాధించిన సంగతి తెలిసిందే. హైదరాబాదులో ఉన్న కమల్ ను చిరంజీవి తన నివాసానికి ఆహ్వానించి సన్మానించారు. బాలీవుడ్ స్టార్ సల్మాన్ ఖాన్ కూడా అక్కడే ఉన్నారు. కమల్ కు చిరంజీవి శాలువా కప్పి, పుష్పగుచ్ఛాన్ని అందించి సన్మానించారు. 'విక్రమ్' దర్శకుడు కనకరాజ్ ను కూడా చిరు అభినందించారు. ఈ విషయాన్ని సోషల్ మీడియా ద్వారా చిరంజీవి తెలిపారు. సినిమా విజయాన్ని అభినందిస్తూ తన ప్రియ మిత్రుడు కమల్ హాసన్ ను సన్మానించడం ఆనందంగా ఉందని చిరంజీవి అన్నారు. కమల్, సల్మాన్ ఖాన్, డైరెక్టర్ కనకరాజ్, 'విక్రమ్' సినిమాకు చెందిన ఇతర టీమ్ సభ్యులకు చిరంజీవి తన నివాసంలో పార్టీ ఇచ్చారు. మరోవైపు 'కభీ ఈద్ కభీ దీవాలీ' సినిమా షూటింగ్ కోసం సల్మాన్ ఖాన్ ప్రస్తుతం హైదరాబాద్ లో ఉన్నారు. నెలరోజుల పాటూ సల్మాన్ ఖాన్ హైదరాబాద్ లోనే ఉండనున్నారు.