చిరు సినిమాకు మరో నిర్మాత

మెగా పవర్ స్టార్ రామ్ చరణ్ ప్రస్తుతం తన కెరీర్ మీద కంటే చిరంజీవి కెరీర్ మీదే ఎక్కువ శ్రద్ధ పెట్టాడు. ఖైదీ నెంబర్ 150 సినిమాతో రీఎంట్రీ ఇచ్చిన చిరు తరువాత సురేందర్ రెడ్డితో సైరా సినిమా చేస్తున్నాడు. ఈ సినిమాను చరణ్ ఎక్కడా కాంప్రమైజ్ కాకుండా నిర్మిస్తున్నాడు. ఈ చిత్రం తరువాత కొరటాలతో సినిమా కూడా చరణే నిర్మించనున్నాడు. వచ్చేనెల ఈ సినిమా సెట్స్ మీదకు వెళ్లనుంది. అయితే ఈ చిత్రానికి తన స్నేహితుడైన మిక్కిలినేని సుధాకర్‌ బ్యానర్ లో చేయాలని కొరటాల అడిగాడట. ఎప్పటి నుండో తనను వెయిటింగ్ చేయిస్తున్నానని, అందుకే అతనితో ఈ చిత్రం చేస్తానని అడిగాడట.

పార్ట్ నర్ గా చేర్చుకునేందుకు ఓకే

అయితే ఈ చిత్రం కొణిదెల ప్రొడక్షన్స్‌ లో తీయాలని చరణ్‌ ఫిక్స్‌ అయిపోయాడు కాబట్టి సుధాకర్‌ ని కూడా పార్టనర్‌గా చేర్చుకోవడానికి చరణ్‌ అంగీకరించాడట. కానీ బిజినెస్ వ్యహారాలన్నీ కొరటాలనే చూసుకుంటానని అన్నాడట. అందుకు రామ్ చరణ్ సరే అని చెప్పాడని టాక్. ఇక ఈ చిత్రంలో హీరోయిన్ కోసం వేట జరుగుతుంది. అయితే ఒక లీడ్ పాత్ర కోసం శృతి హాసన్ ని సంప్రదించారట. ఆమె ఓకే చెప్పడమే ఆలస్యం.