Sat Nov 23 2024 11:24:54 GMT+0000 (Coordinated Universal Time)
అల్లు స్టూడియో ఒక స్టేటస్ సింబల్ : చిరంజీవి
అల్లువారి కుటుంబంలో తానూ ఒక భాగమైనందుకు సంతోషంగా ఉందన్నారు. ఈ రోజున అరవింద్, బన్నీ, శిరీష్, బాబీ సినీ రంగంలో..
అల్లు రామలింగయ్య జ్ఞాపకార్థం హైదరాబాద్ లో నిర్మించిన అల్లు స్టూడియోస్ ప్రారంభోత్సవ వేడుక ఘనంగా జరిగింది. అల్లు రామలింగయ్య శతజయంతి సందర్భంగా ఏర్పాటు చేసిన అల్లు స్టూడియోస్ ప్రారంభోత్సవానికి మెగాస్టార్ చిరంజీవి ముఖ్య అతిథిగా హాజరై స్టూడియోను ప్రారంభించారు. అనంతరం ఆయన మాట్లాడుతూ.. మామయ్య అల్లు రామలింగయ్య శతజయంతి సందర్భంగా ఆయనకు ఘన నివాళి అర్పిస్తున్నానన్నారు.
అల్లువారి కుటుంబంలో తానూ ఒక భాగమైనందుకు సంతోషంగా ఉందన్నారు. ఈ రోజున అరవింద్, బన్నీ, శిరీష్, బాబీ సినీ రంగంలో ఉన్నతస్థాయిలో ఉన్నారంటే.. అందుకు కారణం దశాబ్దాల క్రితం పాలకొల్లులో ఉన్న అల్లు రామలింగయ్య మదిలో మెదిలిన ఆలోచనే కారణమని చిరు అభిప్రాయపడ్డారు. నటనపై ప్రేమతో మద్రాసుకు వెళ్లి.. సినీ పరిశ్రమలో మంచి స్థానానికి చేరుకోవాలని అనుకున్నారని.. ఆ ఆలోచనే ఇప్పుడు పెద్ద వ్యవస్థగా మారిందన్నారు.
అల్లు స్టూడియో అనేది ఒక స్టేటస్ సింబల్ అని, ఆ బ్రాండ్ తో తరతరాలు అల్లు రామలింగయ్యను గుర్తుంచుకునేలా స్టూడియోను నిర్మించారని చెప్పారు. అల్లు రామలింగయ్య వంటి నటులు సినీ పరిశ్రమలో ఉండటం చాలా అరుదని చిరంజీవి పేర్కొన్నారు.
Next Story
