ఆ రాజసం చూస్తుంటే... అబ్బ ఏముందిరా అనిపిస్తుంది

చిరంజీవి - సురేందర్ రెడ్డి కాంబోలో రామ్ చరణ్ ప్రతిష్టాత్మకంగా తెరకెక్కిస్తున్న సైరా నరసింహ రెడ్డి షూటింగ్ ప్రస్తుతం మైసూర్ లో జరుగుతుంది. హైదరాబాద్ షెడ్యూల్ పూర్తి చేసుకున్న సై రా నరసింహారెడ్డి తదుపరి షెడ్యూల్ మైసూర్ లోని రాజులకాలంనాటి కట్టడాల్లో జరుపుతున్నారు. ఈ సినిమాలో సైరా నరసింహారెడ్డి లుక్ ఎలా ఉంటుందో... నయనతార లుక్ ఎలా ఉంటుందో అనేది వారి వారి లుక్స్ లో చూసేసాం. ఇక మిగతా వాళ్ళ లుక్స్ ని వారి వారి స్పెషల్ అకేషన్స్ కి కానుకగా విడుదలకు ప్లాన్ చేసింది సై రా బృందం. జార్జియా లో సై రా కి సంబందించిన యాక్షన్ సన్నివేశాలను తెరకెక్కించిన సురేందర్ రెడ్డి.. ఇపుడు మైసూర్ షెడ్యూల్ లోను సై రా యాక్షన్ సన్నివేశాలని తెరకెక్కిస్తున్నట్లుగా సమాచారం.

అయితే సై రా షూటింగ్ నుండి ఇప్పుడు కొన్ని పిక్స్ లీకైవడమే కాదు.. ఆ పిక్స్ సోషల్ మీడియాలో చక్కర్లు కొడుతున్నాయి. చిరు అధికారిక సై రా లుక్ కన్నా ఎక్కువగా ఈ లీకెడ్ పిక్స్ సోషల్ మీడియాలో ఎప్పటికప్పుడు వీర విహారం చేస్తూనే ఉన్నాయి. తాజాగా లీకైన పిక్స్ అటవీ ప్రాంతంలో రాజసం ఉట్టిపడేలా ఒక చెట్టుకింద కూర్చున్న ఉయ్యాలవాడ నరసింహారెడ్డి లుక్ అదరగొట్టేస్తుంటే.. మరో లుక్ లో విజయ్ సేతుపతి నుదుటున నామాలు పెట్టుకుని పెద్ద బొట్టుతో డిఫరెంట్ గా కనబడుతున్నాడు. ఇక గెడ్డం పెంచి జుట్టుని ముడివేసుకున్నట్లుగా కనబడుతున్న విజయ్ సేతుపతి లుక్ కూడా ఆకట్టుకుంటుంది. మరి సై రా నుండి బయటికొచ్చిన ఆ పిక్స్ చూసి మెగా ఫాన్స్ ఆనందానికి అవధుల్లేవంటే నమ్మాలి. ఇక గతంలోనూ సై రా కి సంబందించిన చాలా ఆన్ లొకేషన్ పిక్స్ సోషల్ మీడియాని దున్నేసిన విషయం తెలిసిందే