ఆర్ఆర్ఆర్ హీరోయిన్ చేతిలో జర్నలిస్టు చెప్పు

నటి ఆలియా భట్ గురించి తెలుగు ప్రజలకు ప్రత్యేకంగా పరిచయం అవసరం లేదు. ఆర్ఆర్ఆర్ సినిమాలో సీతలా కనిపించి సందడి చేసింది. ఇక బాలీవుడ్ లో స్టార్ హీరోయిన్ గా పేరు తెచ్చుకుంది. తాజాగా ఆమె చేసిన పనికి ప్రశంసలు కురిపిస్తూ ఉన్నారు. ఆలియా భట్ ఇటీవల తన తల్లి, సోదరితో కలిసి ఆమె ముంబైలోని ఓ రెస్టారెంట్‌కు వెళ్లారు. ఈ సందర్భంగా ఆమె చేసిన ఓ పని నెట్టింట వైరల్‌గా మారింది. రెస్టారెంట్ నుంచి ఆలియా తన కుటుంబసభ్యులతో కలిసి బయటకు వస్తుండగా జర్నలిస్టులు ఆమెను చుట్టుముట్టారు. ముగ్గురూ కలిసి ఒ ఫొటోకు పోజివ్వాలని కోరారు. ఇంతలో అక్కడి భద్రతా సిబ్బంది జర్నలిస్టులను వెనక్కు వెళ్ళమని చెప్పారు. ఇంతలో ఓ ఫొటోగ్రాఫర్ చెప్పు ఊడి పోయింది. తన కారువైపు వస్తున్న ఆలియాకు ఆ చెప్పు కనబడింది. ‘‘ఎవరో చెప్పు వదిలిపెట్టారు .. ఇది ఎవరిదీ?’’ అని ఆమె ప్రశ్నించింది. మీరేం పట్టించుకోకండి.. వచ్చేయండి అంటూ జర్నలిస్టులు అడుగుతూ ఉన్నా కూడా.. ఆలియా పట్టించుకోలేదు. ఆలియా ఆ చెప్పును తీసుకుని వారికి ఇచ్చింది. ఈ వీడియో ప్రస్తుతం వైరల్‌గా మారింది. ఆలియా సింప్లిసిటీ చూసి జనాలు మెచ్చుకుంటూ ఉన్నారు.