Devil: నాలుగు రోజుల్లో డెవిల్ సినిమాకు ఎన్ని కలెక్షన్స్ వచ్చాయంటే?

4వ రోజు జనవరి ఫస్ట్ కావడంతో బాక్సాఫీస్ వద్ద డెవిల్‌కి అతిపెద్ద రోజుగా మారింది. ప్రారంభ రోజు కంటే కూడా పెద్ద సంఖ్యలో కలెక్షన్స్ వచ్చాయి. ఈ చిత్రం న్యూ ఇయర్ రోజున భారీగా కలెక్షన్స్ ను సాధించింది. అద్భుతమైన ఆక్యుపెన్సీలను సాధించినా.. బ్రేక్‌ఈవెన్‌కు ఇది సరిపోతుందో లేదో తెలియని పరిస్థితి ఈ చిత్రం ప్రపంచవ్యాప్తంగా 2.2 కోట్ల ఓపెనింగ్ డే సాధించగా.. 2వ రోజు, 3వ రోజు డ్రాప్‌ను చూసింది. కల్యాణ్ రామ్ కెరియర్ లో రూపొందిన భారీ బడ్జెట్ చిత్రాలలో ఒకటిగా ఈ సినిమా గురించి చెప్పుకోవచ్చు.

మొదటి వారాంతంలో, ఈ చిత్రం దాదాపు 5 కోట్ల రూపాయల షేర్ వసూలు చేసింది. జనవరి 1న ఈ చిత్రం ప్రపంచవ్యాప్తంగా 2.5Cr షేర్ వసూలు చేసింది, దీంతో మొత్తం షేర్ సుమారు 7.5 కోట్ల రూపాయలకి చేరుకుంది. డెవిల్ థియేట్రికల్స్ విలువ 20 కోట్లు కాగా.. సెలవులు అయిపోవడంతో ఈ రోజు నుండి సినిమా మంచి కలెక్షన్స్ సాధించడానికి కష్టమవ్వనుంది. ఇలాంటి పరిస్థితుల్లో బ్రేక్‌ఈవెన్ అసాధ్యం అనిపిస్తుంది. మాళవిక నాయర్, అజయ్, సత్య, ఎడ్వర్డ్ సోన్నెన్‌బ్లిక్, ఎల్నాజ్ నొరౌజీ, శ్రీకాంత్ అయ్యంగార్, సీత డెవిల్‌లో కీలక తారాగణంగా ఉన్నారు. ఈ చిత్రానికి సంగీతం హర్షవర్ధన్ రామేశ్వర్ అందించారు. కళ్యాణ్ రామ్ నటించిన ఈ చిత్రం డిజిటల్ హక్కులను ప్రైమ్ వీడియో సొంతం చేసుకుంది. ఈ చిత్రానికి అభిషేక్ నామా నిర్మించి దర్శకత్వం వహించారు.