Devil: నేడే డెవిల్ రిలీజ్.. డైరెక్టర్ పేరును ఎందుకు మార్చారంటే?

కళ్యాణ్ రామ్ హీరోగా నటించిన 'డెవిల్' సినిమా నేడు ప్రేక్షకుల ముందుకు రానుంది. ఈ సినిమాకి దర్శకుడిగా నవీన్ మేడారం పేరు మొదట్లో పోస్టర్ మీద కనిపించింది. ఆ తరువాత ఆయన పేరు ఎక్కడా కనిపించలేదు. అంతేకాకుండా ఈవెంట్స్ లో కూడా నవీన్ కనిపించలేదు. ఈ మార్పుకు కారణం గురించి చిత్ర నిర్మాత కీలక వ్యాఖ్యలు చేశారు. నవీన్ ఇంత పెద్ద సినిమాను హ్యాండిల్ చేయలేకపోవడం గమనించి, రెండో రోజు నుంచి తానే దర్శకత్వం వహించినట్టు నిర్మాత అభిషేక్ నామా చెప్పారు. టీం అంతా కలిసి ఈ నిర్ణయం తీసుకున్నామని, హీరో కళ్యాణ్ రామ్ సైతం నిర్ణయాన్ని తన మీదే వదిలేశాడని అభిషేక్ నామా చెప్పుకొచ్చారు. సరిగ్గా తీయడం లేదు, హ్యాండిల్ చేయలేకపోయాడు అనే కారణాలతోనే నవీన్‌ను పక్కన పెట్టేసినట్టు అభిషేక్ నామా క్లారిటీగా చెప్పారు. ఈ సినిమాకి దర్శకుడిగా ముందుగా నవీన్ మేడారంను అనుకున్నాను. గతంలో అతను మా సినిమా 'బాబు బాగా బిజీ' చేశాడు. అందువలన 'డెవిల్' చేయించాలని అనుకున్నాను. కానీ ఈ సినిమా స్పాన్ పెరిగిపోయింది. దాంతో అతను హ్యాండిల్ చేయగలడా? అనే డౌట్ వచ్చింది. అందువలన తానే డైరెక్షన్ చేయాల్సి వచ్చిందన్నారు. నేను ఇండస్ట్రీకి వచ్చి చాలా కాలమే అయింది. చాలా ఫ్లాపులు చూశాను .. హిట్లు చూశాను. అందువలన నా సినిమా ఎలా ఉండాలనే విషయంలో నాకు ఒక అవగాహన ఉంది. అందువల్లనే డైరెక్టర్ గా మారవలసి వచ్చింది. మిగతా టీమ్ సహకారంతోనే నేను చేయగలిగానన్నారు.