వరుణ్ ని రీప్లేస్ చేసిన అర్జున్

ఈ ఏడాది మొదట్లో భారీ బడ్జెట్ చిత్రాలను తొక్కి మరీ చిన్న చిత్రంగా తెరకెక్కిన ఎఫ్ 2 హిట్ అవడమే కాదు… 40 కోట్ల లాభాలను నిర్మాత దిల్ రాజుకి తెచ్చిచ్చింది. అనిల్ రావిపూడి మీడియం బడ్జెట్ తో తెరకెక్కించిన ఈ సినిమా భారీ బడ్జెట్ చిత్రం కూడా సంపాదించలేని కలెక్షన్స్ తెచ్చిపెట్టింది. ఇక ఈ సినిమాతో అనిల్ రావిపూడి మహేష్ ని డైరెక్ట్ చేసే అదృష్టం దక్కింది. అలాగే దిల్ రాజు ఎఫ్ 2 సినిమాకి సీక్వెల్ చేస్తానని చెప్పాడు. ఈ చిత్రంలో నటించిన వెంకటేష్, వరుణ్ తేజ్ లకు మంచి పేరొచ్చింది. తాజాగా దిల్ రాజు ఎఫ్ 2 ని బాలీవుడ్ లో రీమేక్ చేయబోతున్నట్లుగా ప్రకటించాడు.

బోనీ కపూర్ మరియు దిల్ రాజు సంయుక్తంగా దర్శకుడు అనీస్ బాజ్మీ డైరెక్షన్ లో బాలీవుడ్ లో ఎఫ్ 2 రీమేక్ అవుతుంది. అయితే తెలుగులో నటించిన నటీనటులే బాలీవుడ్ లోను నటిస్తారని అన్నారు. అలాగే చిన్న చిన్న మార్పులు తప్ప ఎఫ్ 2 ని యాజిటీజ్ గా బాలీవుడ్ లో రీమేక్ చేస్తున్నారట. తెలుగులో వెంకటేష్, వరుణ్ తేజ్ లు తోడల్లుళ్లుగా కామెడీ పండించారు. వరుణ్ తేజ్ కూడా తెలంగాణ యాసలో ఇరగదీసాడు. తాజాగా వరుణ్ తేజ్ చేసిన పాత్రలోకి అర్జున్ కపూర్ ఎఫ్ 2 బాలీవుడ్ రీమేక్ లో రీప్లేస్ చేస్తున్నాడనే న్యూస్ వినబడుతుంది. బోని కపూర్ నిర్మాణ భాగస్వామిగా ఉన్నాడు కాబట్టి.. ఎఫ్ 2 లో వరుణ్ ప్లేస్ ని అర్జున్ కపూర్ కి ఇవ్వాలని బోని అనుకుంటున్నాడట. వరుణ్ తేజ్ పాత్రకి చిన్న చిన్న మార్పులు చేసి ఆ పాత్రలో అర్జున్ కపూర్ ని తీసుకుంటారట