ఓంకార్ సెంటిమెంట్ ఏంటో తెలుసా?

మన టాలీవుడ్ ఇండస్ట్రీ లో సెంటిమెంట్స్ కి డోకా లేదు. ఒక్కొక్కరు ఒకొక్క సెంటిమెంట్ ని నమ్ముతారు. మన ఇండస్ట్రీ లో ఇలా చాలామందే ఉన్నారు. ఇప్పుడు ఈ లిస్ట్ లో కి కొత్తగా డైరెక్టర్ ఓంకార్ చేరాడు. అతను డైరెక్ట్ చేసిన ఏ సినిమా అయినా అక్టోబర్ లో రిలీజ్ చేస్తుంటాడు. తాను డైరెక్ట్ చేసిన రాజుగారి గది సినిమా అక్టోబర్ లోనే రిలీజైంది. అది సూపర్ హిట్ అయింది. ఆ తర్వాత చేసిన రాజుగారి గది-2 సినిమా కూడా అక్టోబర్ లోనే రిలీజైంది. ఇది మొదటి పార్ట్ అంత హిట్ అవ్వలేదు కానీ హిట్ అయితే అయింది. ఇప్పుడు అతని లేటెస్ట్ చిత్రం రాజుగారి గది-3 సినిమాను కూడా అక్టోబర్ లోనే విడుదల చేస్తున్నాడు ఓంకార్.

ఫస్ట్ లుక్ పోస్టర్…..

రీసెంట్ గా వినాయక చవితి సందర్భంగా ఈమూవీ ఫస్ట్ లుక్ పోస్టర్ రిలీజ్ చేశారు. ఇందులో అవికా గౌర్ లీడ్ రోల్ లో నటిస్తుంది. ప్రస్తుతం షూటింగ్ శరవేగంగా జరుగుతోంది. మరోవైపు పోస్ట్ ప్రొడక్షన్ పనుల్ని కూడా సైమల్టేనియస్ గా పూర్తిచేస్తున్నారు. దసరా బరిలో ఈచిత్రం ను తీసుకుని రావాలని గట్టి ప్రయత్నాలే చేస్తున్నాడు ఓంకార్. ఆయన సెంటిమెంట్ మళ్లీ వర్క్ అవుట్ అవుతుందేమో చూద్దాం.