జగన్ పై వర్మ షాకింగ్ కామెంట్స్

ఏపీ ప్రభుత్వం సినిమా రేట్లను తగ్గించడం తప్పిదమేనని ప్రముఖ దర్శకుడు రాంగోపాల్ వర్మ అన్నారు. ఒక ఛానెల్ కి ఇచ్చిన ఇంటర్వ్యూలో మాట్లాడుతూ టిక్కెట్ల ధరలు నిర్మాతలకు ఇబ్బందికరంగా మారుతుందన్నారు. ఏదైనా వస్తువును విక్రయించుకునే హక్కు దాని ఉత్పత్తిదారుడికి ఉంటుందంటున్నారు. కొనాలా? లేదా? అన్నది వినియోగదారుడి ఇష్టమన్నారు. సినిమా కూడా అంతే. ఎక్కువ రేట్లు పెట్టినా చూడాలా? లేదా? అన్నది ప్రేక్షకుడి నిర్ణయంపై ఆధారపడి ఉంటుందన్నారు. హీరోలు తమ రెమ్యునరేషన్ ను తగ్గించుకోరని చెప్పారు. ప్రభుత్వం నిర్ణయంతో అల్టిమేట్ గా నష్టపోయేది నిర్మాత మాత్రమేనని చెప్పారు. ఏపీ ప్రభుత్వం టాలీవుడ్ పై కక్షపూరితంగా వ్యవహరిస్తుందని తాను చెప్పలేనని రాంగోపాల్ వర్మ అన్నారు.