మహేష్ ని చూసి కంగారు పడుతున్న డైరెక్టర్స్..!

రంగస్థలం లాంటి భారీ హిట్ కొట్టిన డైరెక్టర్ సుకుమార్ నే రిజెక్ట్ చేశాడు మహేష్ బాబు. ఆ తర్వాత మహెష్ ని స్టోరీ లైన్ తో లైన్ లో పెట్టొచ్చు కానీ.. పూర్తి స్క్రిప్ట్ తో మెప్పించాలంటే కష్టమంటూ ఇండస్ట్రీలో టాక్ నడుస్తోంది. సుకుమార్ తో క్రియేటివ్ డిఫరెన్సెస్ వలన సినిమా చెయ్యడం లేదని ప్రకటించిన మహేష్ ని పూర్తి కథతో ఇంప్రెస్స్ చెయ్యాలంటే నిజంగానే దర్శకులు టెన్షన్ పడుతున్నారట. స్టోరీ లైన్ తో మెప్పించిన సుకుమార్ పూర్తి కథతో మహెష్ ని ఇంప్రెస్స్ చేయలేకపోయిన విషయం తెలిసిందే. ఇక అనిల్ రావిపూడితో మహేష్ ని త్వరలోనే పట్టాలెక్కబోతుంది అంటున్నారు. కానీ పూర్తి క్లారిటీ లేదు. ఎందుకంటే అనిల్ కూడా పూర్తి స్క్రిప్ట్ మహేష్ దగ్గర నేరేట్ చేయలేదు.

పరుశురామ్ కూడా కథ చెప్పినా…

ఇక తాజాగా గీత గోవిందం డైరెక్టర్ పరశురామ్.. గీత ఆర్ట్స్ బ్యానర్ లో మహేష్ తో సినిమా చేసేందుకు రెడీ అవుతున్నాడు. గీత గోవిందం బ్లాక్ బస్టర్ తో పరశురామ్ పేరు మాములుగా మార్మోగలేదు. పరశురామ్ మహేష్ బాబుకి ఒక స్టోరీ లైన్ రెడీ చేసి అల్లు అరవింద్ ద్వారా మహేష్ ని అప్రోచ్ అయ్యాడు. అయితే మహేష్ కి పరశురామ్ తన స్టోరీ లైన్ వినిపించాడట. స్టోరీ లైన్ ఓకే కానీ… ఫుల్ స్క్రిప్ట్ తో పరశురామ్ ని రమ్మని మహేష్ చెప్పినట్లుగా వార్తలొస్తున్నాయి. దీంతో స్టోరీ లైన్ తో మెప్పించిన పరుశురామ్ ఫుల్ స్క్రిప్ట్ తో ఇంప్రెస్స్ చెయ్యడానికి బాగా ప్రిపేర్ అవుతున్నాడట. మరి మహేష్ కి సరిగ్గా ఆ కథ నచ్చకపోతే.. పరశురామ్ కూడా రిజెక్ట్ అయ్యే అవకాశాలు ఉన్నాయి.