సైరా ముందు నిలబడుతుందా?

మెగాస్టార్ చిరంజీవి లేటెస్ట్ మూవీ సైరా షూటింగ్ ఇటీవలే కంప్లీట్ చేసుకుని పోస్ట్ ప్రొడక్షన్ లో ఉంది. అక్టోబర్ 2 న ఈమూవీ ని రిలీజ్ చేయడానికి చూస్తున్నారు మేకర్స్. త్వరలోనే దీని పై అధికార ప్రకటన కూడా రానుంది. సైరా కరెక్ట్ గా దసరా సీజన్ లో రిలీజ్ అవుతుంది కాబట్టి మళ్లీ అటువంటి మంచి సీజన్ దొరకదు అని భావించి వెంకీమామ కూడా అదే సీజన్ కి రావాలని ఫిక్స్ అయ్యాడట.

రెండు రోజులు అటు..ఇటుగా….

సైరా కి రెండు రోజులు తరువాత అంటే అక్టోబర్ 4 న వెంకీమామ సినిమా విడుదలకు ముహుర్తం పెట్టేసినట్లు బోగట్టా. తొలి సారిగా వెంకీ – చైతు కాంబినేషన్ లో వస్తున్న చిత్రం కావడంతో దీని అంచనాలు భారీగా ఉన్నాయి. ఇక ఈమూవీని సురేష్ ప్రొడక్షన్స్, పీపుల్స్ మీడియా ఫ్యాక్టరీ సంయుక్తంగా నిర్మిస్తున్నారు.

మిలటరీ అధికారిగా…..

ఇక ఈమూవీని రవీంద్ర(బాబి) డైరెక్ట్ చేస్తున్నాడు. చైతు సరసన రాశీఖన్నా నటిస్తుండగా వెంకీ సరసన పాయల్ రాజ్ పుత్ హీరోయిన్లు గా నటిస్తున్నారు. తమన్ సంగీతం అందిస్తున్న ఈసినిమాలో వెంకీ మిలటరీ అధికారిగా కనిపించనున్నాడు. ఇది పక్క ఫామిలీ ఎంటర్టైనర్ అని తెలుస్తుంది. ఈసినిమా ఏమాత్రం తేడా కొట్టిన సైరా ముందు నిలబడడం చాలా అంటే చాలా కష్టం.