మళ్లీ అదే ఫార్ములాతో గీతా ఆర్ట్స్..!
గీత ఆర్ట్స్ బ్యానర్ లో చాలా సినిమాలు వచ్చాయి కానీ రీసెంట్ గా వచ్చిన 'గీత గోవిందం'కి వచ్చిన పేరు మాత్రం ఏ సినిమాకి రాలేదనే చెప్పొచ్చు. చిన్న సినిమాగా వచ్చినా ఎటువంటి అంచనాలు లేకుండా రిలీజ్ అయ్యి సెన్సషన్స్ కి క్రియేట్ చేసింది ఈ సినిమా. విజయ్ - రష్మిక కెమిస్ట్రీ బాగా వర్కవుట్ అవ్వడంతో ఈ సినిమాకి రిపీటెడ్ ఆడియన్స్ ఎక్కువ అయ్యిపోయారు. ఇప్పటికీ ఈ సినిమా కొన్ని సెంటర్స్ లో సక్సెస్ ఫుల్ గా రన్ అవుతుంది. చాలా తక్కువ బడ్జెట్ తో వచ్చిన ఈ సినిమా సరికొత్త ట్రెండ్ ను సృష్టించింది. లాభాలు కూడా అదే విధంగా తెచ్చిపెట్టింది.
మళ్లీ తక్కువ బడ్జెట్ తో...
అయితే మళ్లీ ఈ బ్యానర్ లోనే ఇటువంటి రొమాంటిక్ కథను రూపొందించబోతున్నారు నిర్మాతలు. ఆల్రెడీ దానికి సంబంధించి ప్రీ ప్రొడక్షన్ వర్క్ కూడా స్టార్ట్ అయినట్టు తెలుస్తుంది. ఈ ప్రాజెక్ట్ లో హీరోగా నాగశౌర్యను ఎంపిక చేసుకున్నారు. హీరోయిన్ ని మాత్రం ఇంకా కంఫర్మ్ చేయలేదు. ప్రస్తుతం కథానాయిక ఎంపిక ప్రక్రియ కొనసాగుతోంది. ఇది కూడా తక్కువ బడ్జెట్ లోనే తీయాలని నిర్ణయించుకుని ఓ యువ దర్శకుడికి ఈ ప్రాజెక్ట్ అప్పగించనున్నట్టు తెలుస్తోంది. ఇప్పటికే కథ చర్చలు చివరి దశకి చేరుకున్నాయనీ..త్వరలోనే సెట్స్ మీదకు వెళ్లే అవకాశముంది అని సమాచారం.
