రష్మిక కి గోల్డెన్ డేస్ స్టార్ట్ అయ్యాయా..?
ప్రస్తుతం తెలుగులో రశ్మికకు తిరుగులేదనే చాన్సులైతే రాలేదు కానీ.. అమ్మడు మాత్రం లక్కీ గర్ల్. ఎందుకంటే ఛలో హిట్, గీత గోవిందం బ్లాక్ బస్టర్ హిట్, దేవదాస్ యావరేజ్ తో ఉన్న రష్మిక ప్రస్తుతం తనకు అచ్చొచ్చిన బ్లాక్ బస్టర్ 100 కోట్ల హీరో విజయ్ దేవరకొండతో డియర్ కామ్రేడ్ చిత్రంలో నటిస్తుంది. ప్రస్తుతం షూటింగ్ జరుపుకుంటున్న ఆ చిత్రం వచ్చే ఏడాది విడుదలవుతుంది. ఇకపొతే రష్మిక పేరు RRR కోసం రాజమౌళి పరిశీలనలో ఉన్నట్టుగా చెబుతున్నారు. మరి RRR లో నిజంగా రష్మికకు ఛాన్స్ తగిలితే రష్మిక ఎక్కడికో వెళ్లిపోతుంది.
తమిళ విజయ్ సినిమాలో...
కానీ ఇప్పుడు రశ్మికకు మరో గోల్డెన్ ఛాన్స్ విజయ్ రూపంలో వచ్చింది అంటున్నారు. అయితే అది మన విజయ్ దేవరకొండ రూపంలో కాదు... కోలీవుడ్ హీరో విజయ్ తన న్యూ ప్రాజెక్ట్ లో రశ్మికని తీసుకొనే యోచనలో ఉన్నట్లుగా వార్తలొస్తున్నాయి. విజయ్ - అట్లీ కాంబోలో ఇంతకుముందు తేరి, మెర్సెల్ చిత్రాలు ఘన విజయం సాధించాయి. మరిప్పుడు హ్యాట్రిక్ మూవీగా వీరి కాంబోలో మొదలైన కొత్త ప్రాజెక్ట్ లో ముందుగా సమంత - నయనతారలు హీరోయిన్స్ గా తీసుకుంటున్నారని అన్నారు. అయితే తాజాగా కోలీవుడ్ మీడియాలో విజయ్ సరసన హీరోయిన్ రష్మిక నటించనున్నట్లుగా ప్రచారం జరుగుతుంది. మరి కోలీవుడ్ మీడియాలో ప్రసారం అవుతున్న కథనాలు ద్వారా నిజంగానే అట్లీ - విజయ్ లు తమ సినిమాలో రష్మిక పేరుని పరిశీలిస్తున్నట్టుగా తెలుస్తుంది.
గోల్డెన్ ఛాన్స్ కొట్టేసిందా..?
ప్రస్తుతం తెలుగులో లక్కీ హీరోయిన్ గా దున్నేస్తున్న రష్మిక ఇప్పుడు స్టార్ హీరో విజయ్ పక్కన కూడా ఛాన్స్ కొట్టేసి కోలీవుడ్ లో పాగా వేసినా వేస్తుందంటున్నారు. భారీ బడ్జెట్ తో ఏజిఎస్ ఎంటర్టైన్మెంట్ నిర్మించనున్న ఈ సినిమాలో విజయ్ సరసన ఇద్దరు హీరోయిన్స్ కనిపిస్తారని అందులో ఒకరు రశ్మికనే ఫైనల్ అంటున్నారు. మరి ఈ వార్తే నిజమైతే రష్మికకు గోల్డెన్ ఛాన్స్ దక్కినట్లే. చూద్దాం రష్మిక కోలీవుడ్ ఎంట్రీ ఏ రేంజ్ లో ఉండబోతుందో అనేది.
