గోపిచంద్ కు షూటింగ్ లో ప్రమాదం

వరుస ఫ్లాప్స్ తో కొట్టుమిట్టాడుతున్న గోపిచంద్.. తాజాగా వరుస సినిమాలతో బిజీగా వున్నాడు. ప్రస్తుతం గోపీచంద్ తిరు దర్శకత్వంలో అనిల్ సుంకర నిర్మిస్తొన్న భారీ యాక్షన్ ఎంటర్ టైనర్ లో నటిస్తున్నాడు. శరవేగంగా షూటింగ్ జరుపుకుంటున్న ఈ చిత్రం ప్రస్తుతం జైపూర్ దగ్గర గల మాండవ లొ చిత్రీకరణ జరుపుకుంటోంది. అయితే ఈ రోజుతో అక్కడ షూటింగ్ కంప్లీట్ చేసుకుని హైదరాబాద్ రానున్న నేపథ్యంలో చివరిగా గొపిచంద్ పై బైక్ చేజింగ్ పోరాట సన్నివేశాలు చిత్రకరిస్తున్నారు. ఆ బైక్ చేజింగ్ సన్నివేశాల చిత్రీకరణ సమయంలో బైక్ స్కిడ్ అవ్వటంతో గోపీచంద్ కిందపవడంతో స్వల్ప గాయాలయ్యాయని చిత్ర బృందం తెలిపింది. అయితే పెద్దగా దెబ్బలేమి తగలలేదని.. గోపిచంద్ ఆరొగ్యానికి ఎలాంటి హాని లేదని… తగిలిన గాయాలకు ట్రీట్మెంట్ తీసుకున్న తర్వాత.. సినిమా షూటింగ్ ని యధాతధంగా చేసుకోవచ్చని గోపీచంద్ కి అక్కడి ఫోర్టీస్ హాస్పిటల్స్ డాక్టర్స్ సూచించారని సమాచారం.