హరీష్ శంకర్ నెక్ట్స్ వరుణ్ తోనే

అల్లు అర్జున్ తో దువ్వాడ జ‌గ‌న్నాథం సినిమా తరువాత డైరెక్టర్ హరీష్ శంకర్ చాలా గ్యాప్ తీసుకుని వరుణ్ తేజ్ తో గ‌ద్ద‌ల‌కొండ గ‌ణేష్ (వాల్మీకి) తీసి హిట్ అందుకున్నాడు. ఈ సినిమాను తెరపైకి తీసుకుని రావడానికి చాలా కష్టపడ్డాడు హరీష్. మొదటి రోజు నుంచి హిట్ టాక్ తో రన్ అవుతున్న ఈ మూవీ సేఫ్ జోన్ లోకి వెళ్లిపోయింది.

వరుణ్ తోనే….

దీని తర్వాత హరీష్ కచ్చితంగా స్టార్ హీరోతో చేసే ఛాన్స్ ఉందని వార్తలు వచ్చాయి కానీ ఆ వార్తల్లో నిజం లేదని తెలిసింది. గ‌ద్ద‌ల‌కొండ గ‌ణేష్ పాత్ర‌లో అద‌ర‌గొట్టిన వ‌రుణ్ తేజ్‌తోనే హ‌రీష్ త‌ర్వాతి సినిమా కూడా ఉంటుంద‌ని తెలుస్తోంది. రీసెంట్ గా ఈ సినిమా యొక్క ప్రమోషన్స్ లో హరీష్ మాట్లాడుతూ..వరుణ్‌లో పాన్ ఇండియా స్టార్ అయ్యే ల‌క్ష‌ణాలున్నాయ‌ని, అత‌డితో ఓ బ‌హుభాషా చిత్రం చేయాల‌నుకుంటున్నాన‌ని తెలిపాడు. అయితే ఈమూవీ ఎప్పుడు స్టార్ట్ అవుతుందో మాత్రం చెప్పలేదు. మరి హరీష్ వరుణ్ తో ఎటువంటి కథ తీస్తాడు అనేది చూడాలి. ఆమధ్య హరీష్ మ‌ల్టీస్టార‌ర్ మూవీ దాగుడుమూత‌లు సినిమాకు ఒక హీరోగా వ‌రుణ్‌నే అనుకున్నాడు అది వర్కౌట్ అవ్వలేదు. అయితే ఇప్పుడు ఆ కథ తో సినిమా చేస్తాడా? లేక వేరే కథా? అని తెలియాల్సిఉంది.