ఎమోషనల్ అయిన హేమ.. 'మా' క్షమించేనా?

నటి హేమ మే 19వ తేదీ రాత్రి బెంగళూరులోని ఎలక్ట్రానిక్ సిటీ సమీపంలోని జిఆర్ ఫామ్‌హౌస్‌లో జరిగిన రేవ్ పార్టీకి హాజరయ్యారు. హేమ రక్త నమూనాలను పరీక్షించిన తర్వాత నిషేధిత పదార్థాన్ని ఆమె వినియోగించినట్లు ఆరోపణలు వచ్చాయి. హేమను పరప్పన అగ్రహార జైలుకు తరలించి బెయిల్‌పై విడుదల చేశారు. తాను ఎలాంటి డ్రగ్స్, నిషేధిత పదార్థాలు తీసుకోలేదని ఆమె చెబుతూ వస్తున్నారు. తాజాగా హేమ.. మంచు విష్ణు, మా వ్యవస్థాపకుడు మెగాస్టార్ చిరంజీవికి సుదీర్ఘ లేఖ రాశారు. తనకు సంబంధం లేని విషయాలను ఆపాదించి విలన్‌గా చూపించే ప్రయత్నం చేశారని హేమ తెలిపారు. మీడియా ఒత్తిడి మేరకు నన్ను సస్పెండ్ చేయడం, నా ప్రాథమిక హక్కులను ఉల్లంఘించడమే అవుతుందన్నారు. తీవ్రమైన మానసిక క్షోభతో ఉన్న ఈ సమయంలో, నాకు MAA మద్దతు అవసరం. తక్షణమే నా సస్పెన్షన్ ఎత్తివేస్తారని ఆశిస్తున్నానని హేమ లేఖ రాశారు. ఈ లేఖపై MAA అధ్యక్షుడు మంచు విష్ణు ఎలాంటి నిర్ణయం తీసుకుంటారో చూడాలి.