ఎన్టీఆర్ కి గిఫ్ట్ ఇచ్చిన హీరో..?

ఈ మధ్యన హీరోల మధ్యన స్నేహపూర్వక వాతావరణం వెల్లివిరుస్తుంది. ఎన్టీఆర్ – రామ్ చరణ్, రామ్ చరణ్ – రానా, మహేష్ – రామ్ చరణ్ ఇలా ఇండస్ట్రీలో హీరోలంతా ఫ్రెండ్లీగా ఉంటున్నారు. మాములుగా వాళ్లు ఎప్పటినుండో బాగా ఫ్రెండ్స్ అయినప్పటికీ సోషల్ మీడియా బాగా వాడుకలోకొచ్చాక ఈ హీరోల మధ్యన స్నేహం అందరికీ చేరువైంది. ఇక ఈ హీరోల మధ్యన పెళ్లి రోజులు, పుట్టిన రోజులు అంటూ పార్టీలు కూడా జరగడమే కాదు ఒకరికొకరు బహుమతులు కూడా ఇచ్చుకుంటున్నారు. ఇక స్టార్ హీరోలు, స్నేహితులైన ఎన్టీఆర్ – రామ్ చరణ్ కలిసి #RRR మూవీలో నటిస్తున్నారు కూడా. అయితే తాజాగా ఎన్టీఆర్ కి ఒక హీరో పంపిన గిఫ్ట్ ఇప్పుడు సోషల్ మీడియాలో వైరల్ అయ్యింది.

కామిక్ పుస్తకాలు కానుకగా…

దగ్గుబాటి రానా.. ఎన్టీఆర్ కి పంపిన గిఫ్ట్ ఇపుడు ఇండస్ట్రీలో హాట్ టాపిక్ అయ్యింది. రానా అమరచిత్రకథ అనే పుస్తకాల సిరీస్ ను ఎన్టీఆర్ కి గిఫ్ట్ గా పంపించాడట. అమరచిత్రకథ బుక్స్ సిరీస్ లో పురాణాలు దగ్గర నుంచి చరిత్రలోని గొప్పవ్యక్తుల జీవితాలతో పాటు, జానపద కథలు, వీరగాథలు లాంటి వీరోచిత కథలు కూడా ఉంటాయి. అయితే ఈ అమరచిత్రకథలన్నీ కామిక్స్ రూపంలో ఉన్నాయట. మరి రానా పంపిన ఆ అరుదైన బహుమతిని అందుకున్న ఎన్టీఆర్ తన ట్విట్టర్ ద్వారా రానాకి కృతఙ్ఞతలు తెలిపాడు. ఆ పుస్తకాలు చూస్తుంటే.. చిన్నప్పటి రోజులు గుర్తుకొస్తున్నాయి, ఈ కామిక్ అమరచిత్రకథ పుస్తకాలు ఇచ్చినందుకు థ్యాంక్స్ రానా.. వీటి వల్లన నా బాల్యాన్ని అభయ్ తో పంచుకోవడానికి అవకాశం దొరికింది.. అంటూ ట్వీట్ చేసాడు ఎన్టీఆర్.