దళపతి విజయ్ సంచలన నిర్ణయం

అదేమిటంటే విజయ్ సినిమాల నుంచి కొన్ని రోజులు గ్యాప్ తీసుకుని ప్రత్యక్ష రాజకీయాల్లోకి రానున్నాడు. వచ్చే ఎన్నికల్లో పోటీ చేయాలని దళపతి విజయ్ భావిస్తున్నాడని అంటున్నారు. ప్రస్తుతం విజయ్ లోకేష్ కనకరాజ్ దర్శకత్వంలో 'లియో' సినిమా చేస్తున్నాడు. ఈ సినిమా తరువాత వెంకట్ ప్రభు దర్శకత్వంలో మరో సినిమా చేయనున్నాడు విజయ్. 2024 ప్రథమార్థంలో సినిమాలు అన్ని పూర్తి చేసి ఎన్నికల్లో పోటీ చేసేందుకు సమాయత్తం అవుతున్నాడు. తిరిగి 2027లోనే సినిమా చేయాలని విజయ్ ప్లాన్ చేస్తున్నాడని సమాచారం. తమిళనాడులో విజయ్ ప్రభావం ఎక్కువగా ఉంటుందని రాజకీయ పార్టీలు ఆయన మద్దతు కోసం ప్రయత్నిస్తూ ఉంటాయి. అయితే విజయ్ ఎప్పుడూ ప్రత్యక్ష రాజకీయాల్లోకి రాలేదు. కేవలం పరోక్షంగా ఉంటూ ప్రభుత్వాన్ని డిసైడ్ చేసే రేంజ్ లో తన అభిమానులను ప్రభావితం చేస్తూ ఉంటాడని టాక్ కూడా వినిపిస్తూ ఉంటుంది. ఇప్పుడు ఆయన డైరెక్ట్ గా పాలిటిక్స్ లోకి వస్తే తమిళనాడు ఎన్నికల ముఖచిత్రమే మారిపోనుంది.