కొత్త బాలీవుడ్ సినిమాలకు చుక్కలు చూపిస్తున్న కేజీఎఫ్-2

యష్ నటించిన KGF చాప్టర్ 2 థియేటర్లలోకి వచ్చి మూడు వారాలు అయ్యింది. ఈ చిత్రం ఇప్పటికీ భారీగా వసూళ్లు రాబడుతూనే ఉంది. గత వారం, అజయ్ దేవగన్ రన్‌వే 34 సినిమా.. KGF: చాప్టర్ 2కి గట్టి పోటీనిచ్చే లక్ష్యంతో థియేటర్లలో విడుదలైంది. అయితే, అజయ్ దేవగన్-నటించిన చిత్రం భారతదేశంలోని KGF: చాప్టర్ 2 రేంజ్ ను అందుకోలేకపోయింది. మే 1న, KGF: చాప్టర్ 2 కలెక్షన్, రన్‌వే 34 బాక్స్ ఆఫీస్ కలెక్షన్స్ కంటే ఎక్కువగా ఉంది. ట్రేడ్ అనలిస్ట్ రమేష్ బాలా ట్వీట్ ప్రకారం, KGF: చాప్టర్ 2 నార్త్ బెల్ట్‌లో బాగా కలెక్షన్స్ ను రాబడుతూ ఉంది. కేజీఎఫ్ 2 హిందీ వెర్షన్ మే 1న రూ.11.25 కోట్లు వసూలు చేయగా, అజయ్ దేవగన్ రన్ వే 34 రూ.7.25 కోట్లు మాత్రమే రాబట్టగలిగింది. ఈద్ హాలిడేస్ కారణంగా కేజీఎఫ్-2 మరింత కలెక్షన్స్ ను రాబట్టడం పక్కా అని అంటున్నారు.

టైగర్ ష్రాఫ్, తారా సుతారియా నటించిన హీరోపంతి 2 బాక్సాఫీస్ వద్ద పెద్దగా సక్సెస్ కనబరచడం లేదు. 3 రోజుల్లో 15 కోట్లు వసూలు మాత్రమే వసూలు చేసింది ఈ సినిమా. KGF: చాప్టర్ 2 తుఫాను ఆధిపత్యం చెలాయిస్తోంది. యష్ నటించిన కేజీఎఫ్ మే 1న ప్రపంచవ్యాప్తంగా బాక్సాఫీస్ వద్ద 1000 కోట్ల మార్క్‌ను దాటింది. హీరోపంతి 2 మంచి సమీక్షలను అందుకోలేదు. బాక్సాఫీస్ వద్ద మిశ్రమ స్పందనను పొందింది. మొదటి రోజున టైగర్ ష్రాఫ్ నటించిన ఈ చిత్రం కేవలం 7 కోట్ల రూపాయల కలెక్షన్స్‌కు తెరతీసింది. 3 రోజుల్లో ఈ చిత్రం 14 కోట్ల రూపాయలను వసూలు చేయగలిగింది. ఈ సినిమా భారీ బిజినెస్ చేస్తుందని అనుకున్నా ప్రేక్షకులను ఆకట్టుకోలేకపోయింది.