కాజల్ అగర్వాల్ ప్లేస్ లోకా…? లేదంటే సెకండ్ గానా?

కమల్ హాసన్ హీరోగా లైకా ప్రొడక్షన్స్ లో దర్శకుడు శంకర్ భారీ బడ్జెట్ తో తెరకెక్కించబోయే ఇండియన్ 2 సినిమా షూటింగ్ మొదటి షెడ్యూల్ ని ఆర్భాటంగా ముగించారు. కానీ సెకండ్ షెడ్యూల్ ఎప్పుడు మొదలవుతుందో అనేది ఆ ఇండియన్ 2 టీం కి కూడా క్లారిటీ లేదు. గత ఏడాది బిగ్ బాస్ సీజన్ 2 అప్పుడు అనౌన్సమెంట్ చేసిన ఇండియన్ 2 ఈ ఏడాది బిగ్ బాస్ సీజన్ 3 జరిగిపోతున్నప్పటికీ…. సినిమా ఇంకా సెట్స్ మీద లేదు. బడ్జెట్ విషయంలో శంకర్ కి నిర్మాతలకు విభేదాలు ఒక ఎత్తైతే… కమల్ హాసన్ ఎలక్షన్స్ కోసం సినిమా షూటింగ్ నుండి విరామం తీసుకోవడం మరో ఎత్తు. ఇక ఈ సినిమా మొదలెట్టినప్పుడు ఈ సినిమా కోసం కమల్ సరసన కాజల్ అగర్వాల్ ని ఎంపిక చేసింది టీం. కాజల్ ఇండియన్ 2 షూటింగ్ లో కూడా పాల్గొంది.

అయితే తాజాగా ఇండియన్ 2 లోకి మరో టాలీవుడ్ హీరోయిన్ రకుల్ కూడా ఎంట్రీ ఇవ్వబోతోందనే న్యూస్ నడుస్తుంది. ప్రస్తుతం యంగ్ హీరోలకు దూరమై సీనియర్ హీరోలతో సర్దుకుపోతున్న రకుల్ కి ఇండియన్ 2 నుండి ఆఫర్ వచ్చిందనే టాక్ మొదలైంది. అయితే కాజల్ అగర్వాల్ ఈ ఇండియన్ 2 నుండి తప్పుకోవడంతో ఆ కేరెక్టర్ కాస్తా రకుల్ ప్రీత్ ని వరించిందని, కాదు కాజల్ తో పాటుగా ఇండియన్ 2 లో మరో ఇద్దరు హీరోయిన్స్ ఉండబోతున్నారు…. అందులో ఓ హీరోయిన్ పాత్రకి రకుల్ ని తీసుకున్నారనే టాక్ వినబడుతుంది. అయితే నిజంగా కాజల్ ప్లేస్ లోకి రకుల్ వస్తుందా? లేదంటే సెకండ్ హీరోయిన్ గానా అనేదే కాకూండా అసలు రకుల్ కి ఇండియన్ 2 లో ప్లేస్ దక్కిందా? అనేది కూడా క్లారిటీ రావాల్సి ఉంది.