ఇస్మార్ట్ శంకర్ ఇక్కడ ఓకే కానీ అక్కడే

మాస్ ప్రేక్షకులకి విపరీతంగా ఆకట్టుకుంటున్న ఇస్మార్ట్ శంకర్ కి తెలుగు రాష్ట్రాల్లో బ్రహ్మాండమైన వసూళ్లు వస్తున్నాయి. పూరి జగన్నాధ్.. రామ్ ని సరికొత్త గా చూపించడం, రామ్ నటనతో అందరిని ఫిదా చేయడం, నిధి అగర్వాల్, నాభ నటేష్ అందాలు సినిమా ప్లస్ కావడంతో ఈచిత్రాన్ని బి, సి సెంటర్ల ఆడియన్స్ బ్రహ్మరథం పడుతున్నారు.

రామ్ కెరీర్ లోనే ఈసినిమా రికార్డ్ స్థాయి వసూళ్లు చేసింది. నాలుగు రోజుల్లో ఈమూవీ తెలుగు రాష్ట్రాల్లో రూ.21.42 కోట్లు రాబట్టిందీ. అయితే తెలుగు రాష్ట్రాలకి పూర్తి బిన్నంగా ఓవర్సీస్ లో కలెక్షన్స్ వస్తున్నాయి. అక్కడ ఈమూవీ మీ అంతగా ఆకట్టుకోలేక పోయింది. అమెరికా లో ప్రీమియర్ల ద్వారా ఈచిత్రం 51,677 డాలర్స్ మాత్రమే కలెక్ట్ చేసింది.

గురువారం 31,893, శుక్రవారం 41,579, శనివారం 56,898 డాలర్లును రాబట్టిన ఈ సినిమా అన్ని రోజులు కలుపుకుని 183,338 డాలర్లను మాత్రమే ఖాతాలో వేసుకుంది. అక్కడ ప్రేక్షకులకి పూరి – రామ్ మాస్ పెద్దగా నచ్చినట్టు లేదు. పైగా ఈమూవీ అక్కడ తక్కువ లొకేషన్లలో విడుదల చేయడం కూడా ఈ వసూళ్లు తగ్గడానికి మరొక ప్రధాన కారణం.