జబర్దస్త్ పై కీలక నిర్ణయం.. ఇదే ఫైనల్?

కరోనా లాక్ డౌన్ తో సినిమా పరిశ్రమ అంతా అతలాకుతలం అయ్యింది. సినిమానే కాదు.. బుల్లితెర పరిస్థితి అంతే ఉంది. ఈటివి లో క్రేజీ గా బ్లాక్ బస్టర్ హిట్ గా దూసుకుపోతున్న జబర్దస్త్ పరిస్థితి అంతే అగమ్య గోచరంగా మరింది, తాజాగా కమెడియన్స్ పారితోషికాలనుండి.. జడ్జి పారితోషికాలు, టెక్నీకల్ డిపార్ట్మెంట్ వరకు అందరి జీతాల్లో కోతలు తప్పవని ప్రచారం జరుగుతుంది. ఒకప్పుడు జబర్దస్త్ తో పాపులర్ అవడమే కాదు.. చేతినిండా సంపాదించిన వారు ఇప్పుడు అరకొర పారితోషికాలతో సరిపెట్టుకోవాల్సిందే.

జడ్జి రోజా కి కూడా కోత తప్పదని ప్రచారం జరగడమే కాదు.. ఇప్పుడు జబర్దస్ కి ఇద్దరు జడ్జి లు ఉండరని అంటున్నారు. గతంలో రోజా, నాగబాబు జబర్దస్త్ ని జబర్దస్త్ గా లీడ్ చేసారు. కానీ ఏడేళ్లు గడిచాక నాగబాబు జబర్దస్త్ కి హ్యాండ్ ఇవ్వగా రోజాకి జతగా వారానికో సెలెబ్రెటీ జడ్జి గా రెండో స్థానంలో కూర్చుంటున్నారు. అయితే తాజాగా జబర్దస్ రెండో జడ్జి ఇక ఉండరని తెలుస్తుంది. కారణం ఆర్ధిక పరిస్థితులు అంటున్నారు. ఇప్పటికే జబర్దస్త్ లో ఖర్చులు తగ్గించుకునే పనులు మొదలయ్యాయయని..అందులో భాగంగానే యాంకర్స్ ని మార్చడం, జడ్జి లు కాకుండా రోజా ఒక్కదాన్నే కంటిన్యూ చెయ్యడం ఇలా చాలా విషయాల్లో జబర్దస్త్ కొత్త అవతారమెత్తబోతుందట.