అమ్మ అందంతోనే అదరగొట్టేలా వుంది

శ్రీదేవి కూతురు జాన్వీ కపూర్ వెండితెర అరంగేట్ర మూవీ ధఢక్ ఈ నెలలోనే ప్రేక్షకుల ముందుకు రాబోతుంది. ఇషాన్ కత్తర్ అనే కొత్త కుర్రాడితో జాన్వీ కపూర్ ఈ సినిమాలో నటించింది. అచ్చం అమ్మ అందం పుణికిపుచ్చుకున్న జాన్వీ కపూర్ తోలి చిత్రం మీద భారీ అంచనాలే ఉన్నాయి. ఇక ధఢక్ ప్రమోషన్స్ లోను జాన్వీ కపూర్ అండ్ ఇషాన్ ఖట్టర్ లు జోరు చూపిస్తున్నారు. ఏ ఈవెంట్ లో చూసిన వీరే... తమ సినిమాని ప్రమోట్ చేసుకుంటున్నారు. బాలీవుడ్ కింగ్ మేకర్ కరణ్ జోహార్ పర్యవేక్షణలో జాన్వీ కపూర్ తన తోలి సినిమాని చేసింది. అయితే సినిమా ఇంకా విడుదలవకముందే తల్లి శ్రీదేవిని పోగొట్టుకున్న జాన్వీ కపూర్ అమ్మ ఆశీస్సులతో స్టార్ హీరోయిన్ గా వెలగాలని ఆశపడుతుంది.

ప్రస్తుతం టాప్ హీరోయిన్స్ తో పోటీగా సోషల్ మీడియాలో క్రేజ్ సంపాదించుకున్న శ్రీదేవి కూతురు జాన్వీ కపూర్ తన లేటెస్ట్ ఫోటో ఒకదాన్ని ఇన్‌స్టాగ్రామ్‌ లో పోస్ట్ చేసింది. అలా జాన్వీ పోస్ట్ చేసిన కేవలం రెండు గంటల్లోనే ఆ ఫోటో ఏ రేంజ్ లో వైరల్ అయ్యిందంటే... రెండు గంటల్లోనే 2 లక్షల లైక్స్ తో పాటుగా వేలల్లో కామెంట్స్‌ ను ఆ ఫోటో సొంతం చేసుకుంది. మరి జాన్వీ పోస్ట్ చేసిన ఆ ఫోటో చూస్తుంటే జాన్వీ అచ్చంగా అమ్మలాగే ఉందని... ఆ ఫోటో చూసిన ప్రతి ఒక్కరు మీలో శ్రీదేవిగారిని చూస్తున్నామని... మీ అమ్మగారు మీ రూపంలో జీవించే ఉన్నారని కామెంట్స్ పెట్టడం చూస్తుంటే జాన్వీ కపూర్ స్టార్ హీరోయిన్ గా మారడం ఖాయమంటున్నారు. మరి అందంతో అమ్మతో పోటీ పడిన ఈ అమ్మాయి నటనలో అమ్మని మరిపిస్తుందో లేదో చూడాలి. ఇప్పటివరకు ధఢక్ ట్రైలర్ లో అయితే జాన్వీ నటనకు మంచి మార్కులే వచ్చాయి.

ధర్మ ప్రొడక్షన్స్‌ బ్యానర్‌ పై కరణ్ జోహార్ నిర్మించిన ఈ సినిమా తో జాన్వీ కపూర్ స్టార్ హీరోయిన్ గా మారుతుందని అందరూ జాన్వికి విషెస్ చెప్పేస్తున్నారు. ఇక తల్లి మరణాంతరం జాన్వీ కి తోడుగా తన సవతి అన్నయ్య అర్జున్ కపూర్ అండ దొరికింది. ఇకపోతే జాన్వీ కపూర్ హిందీ అర్జున్ రెడ్డి లో ఛాన్స్ రాగ ఇప్పుడే అంటే కెరీర్ స్టార్టింగ్ లోనే బోల్డ్ మూవీస్ లో నటిస్తే... ఇక అన్ని అలాంటి మూవీస్ వస్తాయని కరణ్ జోహార్ సలహాతో జాన్వీ కపూర్ హిందీ అర్జున్ రెడ్డి ఛాన్స్ ని వదిలేసుకుంది