ఎన్టీఆర్ పుట్టిన రోజుకి ట్వీట్ తోనే సరిపెట్టావా?

ఎన్టీఆర్ పుట్టిన రోజు కి RRR స్పెషల్ వీడియో కొమరం బీమ్ తో ఓ లుక్ బయటికొస్తుంది అని ఆశపెట్టి.. ఆశపెట్టి.. చివరికి ఎన్టీఆర్ ఫాన్స్ కి మొండి చెయ్యి చూపించిన రాజమౌళి అండ్ టీం.. ఇప్పుడు ఎన్టీఆర్ పుట్టినరోజుకి కేవలం ఓ ట్వీట్ తోనే సరిపెట్టారు. ఎన్టీఆర్ తో రాజమౌళి ఈ RRR తో కలిపి నాలుగు సినిమాలు చేసాడు. రాజమౌళి మొదటి హీరో కూడా ఎన్టీఆర్ ఏ. అయితే అప్పట్లో.. ఎన్టీఆర్ కాస్త బొద్దుగా ఉండడం చూసిన రాజమౌళి నా మొదటి హీరో ఏంటి ఇంత లావుగా బండోడు తగిలాడని అనుకున్నాడట. కానీ ఎన్టీఆర్ లోని టాలెంట్ చూసి రాజమౌళి ఎప్పుడూ అబ్బుర పడుతూనే ఉంటాడు. తాజాగా రాజమౌళి ఎన్టీఆర్ స్టూడెంట్ నెంబర్ వన్ సినిమా చేసినప్పటికీ ఫోటో ఒకటి సోషల్ మీడియాలో పోస్ట్ చేసి.. ఎన్టీఆర్ కి పుట్టిన రోజు విషెస్ చెప్పాడు రాజమౌళి.

స్టూడెంట్ నెంబర్ వన్ సినిమా షూటింగ్ సెట్స్ లో ఎన్టీఆర్ ని రాజమౌళి కౌగిలించుకున్న ఫోటో ని షేర్ చేసిన రాజమౌళి.. మొదటినుండి నా విజయంలో తోడుగా ఉన్నావు. హ్యాపీ బర్త్ డే డియర్ తారక్. అసలు ర్ర్ర్ లో నీకన్నా ఉత్తమైన భీమ్ నాకు దొరకడు అని రాజమౌళి కొంచెం ఎమోషనల్ పోస్ట్ పెట్టారు. ఈ పోస్ట్ చూసిన ఎన్టీఆర్ ఫాన్స్ అయ్యో ఒక్క ట్వీట్ తోనే సరిపెట్టారా రాజమౌళి గారు.. RRR లుక్ తో మమల్ని ఆనందింప జేస్తారనుకుంటే.. ట్వీట్ వేసి మమ్మల్ని మోసం చేసారంటూ కాస్త బాధపడుతున్నారు.