కాజల్ కూడా హ్యాండ్ ఇచ్చిందా?

సీనియర్ హీరోలకు హీరోయిన్స్ కొరత టాలీవుడ్ ని పట్టి పీడిస్తున్న అంశం. ఏదో భారీ రెమ్యునరేషన్ కి కొంతమంది సీనియర్ హీరోయిన్స్ సీనియర్ హీరోలకు ఒప్పుకుంటున్నప్పటికీ…. కొంతమంది మాత్రం సీనియర్ హీరోలకి కనెక్ట్ అవ్వడం లేదు. తాజాగా చిరు ఆచార్య కి హీరోయిన్ ప్రోబ్లెం బాగా వచ్చేసింది. చిరు కం బ్యాక్ మూవీలో కాజల్ భారీ రెమ్యునరేషన్ కి ఒప్పుకుంటే… సై రా కోసం నయనతార, తమన్నా ని తెచ్చారు. ఆచార్య కోసం త్రిషని తీసుకుంటే…. క్రియేటివ్ డిఫ్రెన్సెస్ వలన ఆ సినిమా నుండి త్రిష తప్పుకుంది.

త్రిష తప్పుకోవడంతో.. ఆ ప్లేస్ లోకి కాజల్ అగర్వాల్ ని తీసుకున్నారు. కాజల్ భారీ రెమ్యునరేషన్ కి ఆచార్య ఒప్పుకుంది అని, అసలే అవకాశాలు లేని కాజల్ చిరు ఆచార్య కోసం అడగ్గానే మారు మాట్లాడకుండా ఒప్పేసుకుంది అన్నారు. కరోనా లాక్ డౌన్ లేకపోతె కాజల్ ఆచార్య సెట్స్ లో ఉండేది. అయితే తాజాగా కాజల్ అగర్వాల్ ఆచార్య నుండి తప్పుకున్నట్లుగా వార్తలొస్తున్నాయి. కాజల్ తమిళంలో ఉదయనిధి స్టాలిన్ జోడీగా చేయడానికి అంగీకరించిందట. అయితే ఆ సినిమాకి కాజల్ అగర్వాల్ బల్క్ గా డేట్స్ ఇచ్చిందనీ… అలాగే భారీ పారితోషికమే అందుకుందని అంటున్నారు. ఇక ఆచార్య కోసం డేట్స్ అడ్జెస్ట్ చెయ్యడం కష్టమని.. అందుకే ఈ సినిమా నుండి కాజల్ కూడా తప్పుకుంది అనే టాక్ వినబడుతుంది. మరో పక్క కాజల్ కి ఆచార్య పాత్రపై పూర్తి క్లారిటీ రావడం.. ఆ పాత్రకి ప్రాధాన్యత లేదని ఆ సినిమా నుండి తప్పుకుంది అంటున్నారు.