118 లో విషయం ఉందండోయ్..!

ప్రస్తుతం నిర్మాతగా పక్కకు తప్పుకుని హీరోగా ఒకదాని తర్వాత ఒక సినిమాను చేసుకుంటూ వెళుతున్నాడు కళ్యాణ్ రామ్. ఈ ఏడాది రెండు డిజాస్టర్స్ అందుకున్నాడు. తాజాగా 118 అనే థ్రిల్లర్ మూవీ టీజర్ తో ప్రేక్షకుల ముందుకు వచ్చాడు. గుహ‌న్ ద‌ర్శ‌క‌త్వంలో అర్జున్ రెడ్డి ఫేమ్ షాలిని పాండే, నివేత థామస్ హీరోయిన్స్ గా నటిస్తున్న ఈ సినిమా థ్రిల్లర్ నేపథ్యంలో తెరకెక్కింది. ఎపుడూ కమర్షియల్ సినిమాలనే నమ్ముకునే కళ్యాణ్ రామ్ ఇలా ఇపుడు థ్రిల్లర్ నేపథ్యం ఉన్న విభిన్న కథను ఎంచుకుని వైవిధ్యం చూపిస్తున్నాడు. 118 టీం ముందు నుండి ఈ సినిమా థ్రిల్ల‌ర్ నేపథ్యంలోనే ఉంటుందని చెప్పినట్టుగా టీజర్ ని కూడా అలాంటి థ్రిల్లర్ ఎలిమెంట్స్ తోనే కట్ చేసింది.

పక్కాగా హిట్ కొడతాడా..?

118 అంటే ఎదో నెంబర్ అని అపోహాపడిన ప్రేక్షకులకు గుహన్ టీజర్ లో క్లూ ఇచ్చేసాడు. 118 అనేది టైం.. అర్ధరాత్రి 1 గంట 18 నిమిషాలకు జరిగిన సంఘటనతో కళ్యాణ్ రామ్ లైఫ్ ఏ విధమైన మలుపు తిరిగింది అనేదాన్ని సినిమాలో చూపించబోతున్నారు. ఇక షాలిని పాండే తో కళ్యాణ్ రామ్ రొమాన్స్, కళ్యాణ్ రామ్ లుక్స్ కొత్తగా ఉన్నాయి. హీరోయిన్ షాలిని కాస్త బొద్దుగా కనబడినా.. కళ్యాణ్ రామ్ పక్కన పర్ఫెక్ట్ గా సెట్ అయ్యింది. ఇక టీజర్ మొత్తంలో మరో హీరోయిన్ నివేత థామస్ ఎక్కడా కనబడలేదు. అంటే ఈ 118కి నివేత థామస్ కి ఎక్కడో లింక్ ఉన్నట్టుగా అనిపిస్తుంది. మరి టీజర్ తో సినిమా మీద అంచనాలయితే పెంచగలిగారు. ఇక సినిమాటోగ్రాఫర్ గుహన్ ఈ సినిమాని డైరెక్ట్ చేయడం, సినిమా టీజర్ కి ఫోటోగ్రఫీ హైలెట్ గా కనబడడమే కాదు.. నేపథ్య సంగీతం కూడా అదిరింది. మరి కళ్యాణ్ రామ్ ఈ సినిమాతో పక్కాగా హిట్ కొట్టేలాగే కనబడుతున్నాడు.