నాకు రొమాన్స్ తప్ప ఏ జోనర్ అయినా ఓకె

మత్తువదలరా సినిమాతో సూపర్ హిట్ కొట్టిన కీరవాణి కొడుకు… ఇంకా కీరవాణి కొడుకేమిటి.. హీరో సింహ తన నెక్స్ట్ సినిమా ఎలా ఉండాలో చెబుతున్నాడు. అది కూడా బాహుబలి ప్రభాస్ తనని ఇంటర్వ్యూ చేస్తుంటే చెబుతున్నాడు. బాహుబలి తరవాత రాజమౌళి ఫ్యామిలీకి బాగా దగ్గరైన ప్రభాస్ కీరవాణి కొడుకులు చేసిన మత్తువదలా సినిమాని చూడడమే కాకుండా.. సినిమా హిట్ అంటూ పొగడడంతో పాటుగా… కీరవాణి కొడుకులు సింహ, కాల భైరవ, దర్శకుడు రితేష్ నిర్మాత చెర్రీలతో ప్రభాస్ న్యూ ఇయర్ సందర్భంగా స్పెషల్ ఇంటర్వ్యూ చేసాడు. మరి మత్తువదలరా టీం తో స్పెషల్ ఇంటర్వ్యూ చేసిన ప్రభాస్ కి అందరూ ఫన్నీ సమాధానాలతో నవ్వించారు.

ఇక సింహని ప్రభాస్ నీ నెక్స్ట్ సినిమా ఎలాంటి కథతో చేస్తామంటే…. నాకు రొమాన్స్ జోనర్ తప్ప మిగతా ఏ జోనరాయినా పర్లేదంటూ సమాధానం చెప్పగా… దానికి ప్రభాస్ నవ్వుతూ… రాజమౌళి కూడా మొదట్లో ఇలానే చెప్పాడు.. కానీ మగధీర చెయ్యలేదా అంటూ నవ్వేసాడు. ఇక గెడ్డం పెంచినప్పుడు నీ ఫీలింగ్ ఏమిటని సింహాని అడగగా… ఆ గెడ్డం పెంచడానికి ఆరు నెలలు కష్ట పడ్డా.. అప్పుడు ఇంట్లో అందరూ అఘోరాల ఉన్నావని ఏడిపించేవారని చెప్పగానే ప్రభాస్ దానికి.. నాకూ బాహుబలి తర్వాత గెడ్డం అంటే చిరాకు పుట్టింది.. ఎప్పుడైనా రానా గెడ్డంతో కనబడితే షేవ్ చెయ్యి అంటుంటానని సరదాగా ఇంటర్వ్యూ ముగించాడు.