Keerthy Suresh ఎట్టకేలకు స్పందించిన కీర్తి సురేష్.. అభిమానులు హ్యాపీనే!!

"మనం క్లారిటీ ఇస్తే నిజం అబద్ధం అవుతుంది, క్లారిటీ ఇస్తే రూమర్ కూడా నిజమవుతుంది'' అని కీర్తి చెప్పుకొచ్చింది. నా కెరీర్‌ గురించి, నా పాత్రల గురించి ఎవరైనా వివరణాత్మకంగా విమర్శలు చేస్తే వాటిని తప్పకుండా స్వీకరిస్తానని తెలిపింది. విమర్శల వల్ల జాగ్రత్త పడొచ్చని.. కొత్త విషయాలు తెలుసుకోవచ్చని కీర్తి చెప్పింది. అయితే నా వ్యక్తిగత విషయాల గురించి కామెంట్‌ చేస్తే మాత్రం అస్సలు పట్టించుకోను.. పరిగణనలోకి తీసుకోను కూడా. ఒకవేళ పొరపాటున పట్టించుకుంటే, మీరంతా కలిసి ఆ అబద్ధాన్ని నిజం చేసేస్తారని జాతీయ అవార్డు గ్రహీత తెలిపింది. ప్రతికూలతకు బలాన్ని ఇవ్వకూడదని అనుకుంటూ ఉంటానని.. తన వ్యక్తిగత జీవితం లేదా తన కుటుంబంపై ఎలాంటి వ్యాఖ్యలకు ప్రాధాన్యత ఇవ్వనని కీర్తి తెలిపింది. తాను పెళ్లి చేసుకోబోతున్నానంటూ వస్తున్న వార్తల్లో నిజం లేదని తేల్చి చెప్పింది.