కేజీఎఫ్-3 తప్పకుండా ఉంటుంది.. విడుదల సమయాన్ని కూడా చెప్పేసిన నిర్మాత

తాజాగా కేజీఎఫ్-3 ఉండబోతోందని చిత్ర నిర్మాత క్లారిటీ ఇచ్చేసారు. ప్రశాంత్ నీల్ దర్శకత్వం వహించిన ఫ్రాంచైజీ మూడో భాగం ఉందని నిర్మాత విజయ్ కిరగందూర్ తెలిపారు. KGF: చాప్టర్ 3 ఉంటుందని తేల్చి చెప్పారు. మూడో భాగం 2024లో విడుదలవుతుందని కిరగందూర్ ధృవీకరించారు. చిత్రనిర్మాతలు కొత్త పాత్రలతో "మార్వెల్-స్టైల్" యూనివర్స్ ను సృష్టించాలని యోచిస్తున్నారని తెలిపారు. ఇటీవలి ఇంటర్వ్యూలో, కిరగందూర్ KGF: చాప్టర్ 3 షూటింగ్ ఈ ఏడాది చివర్లో.. అక్టోబర్ తర్వాత ప్రారంభమవుతుందని వెల్లడించారు.

దైనిక్ భాస్కర్‌కి ఇచ్చిన ఇంటర్వ్యూలో, "దర్శకుడు ప్రశాంత్ నీల్ ప్రస్తుతం సాలార్ (ప్రభాస్ నటిస్తున్నారు) చిత్రంతో బిజీగా ఉన్నారు. దాదాపు 30-35% షూటింగ్ పూర్తయింది. తదుపరి షెడ్యూల్ వచ్చే వారం ప్రారంభం కానుంది. ఈ ఏడాది అక్టోబర్-నవంబర్ నాటికి పూర్తి చేయాలని భావిస్తున్నాం. ఈ ఏడాది అక్టోబరు తర్వాత KGF3 షూటింగ్‌ని ప్రారంభించాలని ప్లాన్ చేస్తున్నాం. 2024 నాటికి సినిమాను విడుదల చేయాలని భావిస్తున్నాం'' అన్నారు. మేము ఒక మార్వెల్ లాంటి రకమైన విశ్వాన్ని సృష్టించబోతున్నాము. డిఫరెంట్ సినిమాల్లోని డిఫరెంట్ క్యారెక్టర్స్ తీసుకొచ్చి సినిమాలను క్రియేట్ చేయాలనుకుంటున్నామన్నారు.