ఫస్ట్ చిరు.. నెక్స్ట్ విజయ్..!
టాలీవుడ్ లో రాజమౌళి తరువాత కొరటాల శివకే ఎక్కువ సక్సెస్ రేట్ ఉంది. ఇండస్ట్రీలో కొన్నాళ్లు రైటర్ గా పని చేసి ఆ తరువాత 'మిర్చి' సినిమాతో డైరెక్టర్ గా మారాడు శివ. వెంటనే 'శ్రీమంతుడు', 'జనతా గారేజ్', 'భారత్ అనే నేను' వంటి సూపర్ హిట్ మూవీస్ తో స్టార్ డైరెక్టర్ గా ఎదిగిపోయిన శివ కోసం చాలామంది హీరోలతో పాటు నిర్మాతలు కూడా క్యూ కడుతున్నారు. ఈ నేపధ్యంలో ఆయన ప్రస్తుతం చిరంజీవితో ఓ సినిమా చేయడానికి స్క్రిప్ట్ రెడీ చేసినట్టు తెలుస్తుంది. త్వరలోనే ఈ సినిమా సెట్స్ మీదకు వెళ్లనుంది. ఇది ఇంకా పోస్ట్ ప్రొడక్షన్ లోనే ఉండగా శివ తన తరువాత సినిమాని కూడా లైన్ లో పెట్టేశాడు. చిరంజీవి తరువాత ఆయన విజయ్ దేవేరుకోండతో ఓ సినిమా చేస్తునట్టు వార్తలు వస్తున్నాయి. దాంతో విజయ్ అభిమానులతో పాటు కొరటాల అభిమానులు కూడా ఈ ప్రాజెక్ట్ పై అంచనాలు పెంచుకున్నారు.
త్వరలోనే పూర్తి వివరాలు...
'నోటా' లాంటి డిజాస్టర్ తో ఢీలా పడ్డ విజయ్ కు ఇదొక బూస్ట్ అప్ లాంటిది. త్వరలోనే ఈ మూవీకి సంబందించిన పూర్తి వివరాలు బయటికి వస్తాయి అంటున్నారు. ప్రస్తుతం విజయ్ 'డియర్ కామ్రేడ్' సినిమాతో బిజీగా ఉన్నాడు. ఈ సినిమా తరువాత క్రాంతి మాధవ్ డైరెక్షన్ లో ఓ సినిమా చేస్తున్నాడు. ఆ తరువాత విజయ్ కొరటాలతో చేసే అవకాశముంది. ఈలోపు కొరటాల కూడా చిరంజీవి సినిమాను కంప్లీట్ చేసి విజయ్ ప్రాజెక్ట్ పై ఫోకస్ పెట్టనున్నాడు. విజయ్ నటించిన 'టాక్సీవాలా' ఈ నవంబర్ 16న విడుదలకు సిద్ధంగా ఉంది.
