‘లక్ష్మీస్‌ ఎన్టీఆర్‌’ రిలీజ్ డేట్ ఫిక్స్..!

చిత్రం టైటిల్ అనౌన్స్ చేసిన దగ్గర నుండి ‘లక్ష్మీస్ ఎన్టీఆర్’ వివాస్పదమైంది. లక్ష్మీపార్వతి ఎన్టీఆర్ జీవితంలోకి ఎంటర్ అయిన తరువాత జరిగిన మార్పులు.. ఆమె ప్రవేశించడానికి గల కారణాలు ‘లక్ష్మీస్ ఎన్టీఆర్’ చిత్రంలో ప్రధాన ఇతివృత్తం ఈ సినిమా రూపొందింది. అయితే ఎన్నో ఇబ్బందుల మధ్య ఈ సినిమా సెన్సార్ కంప్లీట్ చేసుకుని అన్ని చోట్ల విడుదల అయింది. ఒక్క ఆంధ్ర ప్రదేశ్ రాష్ట్రంలో తప్ప. ఈ చిత్రం మార్చిలో ఏపీ మినహా అన్ని చోట్లా విడుదలైన సంగతి తెలిసిందే. ఏపీలో ఎన్నికల నేపథ్యంలో చిత్ర విడుదలను నిలిపివేశారు.

ఇప్పటికే ఆన్ లైన్ లో పైరసీ

ఇప్పుడు ఎన్నికలు పూర్తయ్యాయి కాబట్టి ఈ సినిమా విడుదల అవుతుంది. కాగా ఈ చిత్రం మే 1న సినిమాను ఏపీలో విడుదల చేయబోతున్నట్లు వర్మ ట్వీట్‌ చేశారు. ఆల్రెడీ ఈ సినిమా పైరసీ ఆన్ లైన్ లో వైరల్ అవుతుంది. ఈ నేపథ్యంలో ఈ మూవీని ప్రేక్షకులు ఎంతవరకు ఆదరిస్తారో చూడాలి. లక్ష్మీపార్వతి పాత్రలో కన్నడ నటి యజ్ఞ శెట్టి నటించిన సంగతి తెలిసిందే. ఎన్టీఆర్‌గా రంగస్థల నటుడు విజయ్‌ కుమార్‌ నటించారు. మే 1న రిలీజ్ అవుతున్న ఈ సినిమా ఎంతవరకు సక్సెస్ అవుతుందో చూడాలి.