మహేష్ మరొక అవకాశం ఇస్తాడా?

మహేష్ తో అవకాశం అంటే ఆ డైరెక్టర్ కి మాములు విషయం కాదు. అలాంటిది ఎఫ్ 2 తో హిట్ కొట్టిన అనిల్ రావిపూడి మహేష్ సరిలేరు నీకెవ్వరూ తో అవకాశం ఇచ్చాడు. కామెడీ యాక్షన్ ఎంటెర్టైనెర్ గా సరిలేరు నీకెవ్వరూ తెరకెక్కింది. అయితే అనిల్ రావిపూడి కామెడీకి సరిలేరు లో పెద్దగా రెస్పాన్స్ రాలేదు. మహేష్ తోనూ, హీరోయిన్ రష్మిక తోనూ కాస్త వెకిలి కామెడీ చేయించాడనే ట్రోల్స్ సోషల్ మీడియాలో నడిచాయి. అయితే రష్మిక మందన్న కూడా ఈ కామెడీ విషయం లో కాస్త ఫీలయ్యింది. ఆందులోను సంక్రాతి బరిలో అలా వైకుంఠపురములో సినిమా ముందు సరిలేరు నీకెవ్వరూ సినిమా తేలిపోయింది. అలాంటిది ఇప్పుడు అనిల్ కి మహేష్ మరొక అవకాశమా ఇస్తాడా.. అంటే అనిల్ చెప్పే సమాధానం వినండి.

మహేష్ బాబు గనక అనిల్ కథ చెప్పు అనగానే నా డోర్ తెరుచుకుంటుంది. నా కారు మహేష్ ఇంటి వరకు వెళ్ళగానే దానికదే ఆగిపోతుంది. వాళ్ళింట్లో కూక్ చేసే స్నాక్స్ తింటూ మహేష్ కి కథ విపిస్తాను.. మహేష్ పిలిస్తే చాలు ఆయన కాంపౌండ్ లో వాలిపోతాను అని అంటున్నాడు. మరి మహేష్ పిలవాలిగా.. సరిలేరు బ్లాక్ బస్టర్ అయ్యుంటే అనిల్ రావిపూడి మహేష్ మరో అవకాశం ఇచ్చేవాడే, కానీ సో సో సినిమాకి అనిల్ కి మహేష్ మరొక అవకాశం అంటే డౌట్. గతంలో మహర్షి డైరెక్టర్ వంశి పైడిపల్లి విషయంలోనే కాదు.. బ్లాక్ బస్టర్ డైరెక్టర్ సుకుమర్ విషయంలోనూ మహేష్ ఇచ్చిన ఝలక్ లు మాములివి కావు. మహేష్ ని నమ్ముకుంటే దర్శకులకు మాములుగా ఉండదు. అది చూసిన అనిల్ రావిపూడి మహేష్ మీద నమ్మకం వదులుకుంటే మంచిది అంటున్నారు ఆయన శ్రేయోభిలాషులు.