మహేష్ కి కోపం వచ్చింది..!

హీరో మహేష్ కి కోపం రావడానికి కారణం ఏమిటంటే.. మహర్షి షూటింగ్ ప్రస్తుతం శంషాబాద్ ఎయిర్ పోర్ట్ పరిసర ప్రాంతాలతో పాటుగా. శంషాబాద్ ఎయిర్ పోర్ట్ లోనూ జరుపుకుంటుంది. అయితే శంషాబాద్ ఎయిర్ పోర్ట్ లో షూటింగ్ అంటే దానికి అన్ని పర్మిషన్స్ అవసరం. మరి మహర్షి టీం ముందే ఎయిర్ పోర్ట్ లో షూటింగ్ చేసుకోవడానికి గల అనుమతులు సంపాదించింది. ఇక ఎప్పటిలాగే షూటింగ్ కోసం మహేష్ మేకప్ గట్రా వేసుకుని.. ఉదయం 7.30 కల్లా శంషాబాద్ ఎయిర్ పోర్ట్ చేరుకున్నాడట. కానీ, మహేష్ ని షూటింగ్ కోసం ఎయిర్ పోర్ట్ లోపలికికి వెళ్లకుండా ఎయిర్ పోర్ట్ అధికారులు అడ్డుకున్నారట.

పర్మీషన్స్ ఉన్నా కూడా…

షూటింగ్ కి కావాల్సిన అనుమతులు ఢిల్లీలోని ఉన్నతాధికారుల ఇచ్చేవరకు మహర్షి… షూటింగ్ ఆపమని శంషాబాద్ ఎయిర్ పోర్ట్ అధికారులు కోరినట్లు తెలుస్తోంది. అయితే షూటింగ్ కి కావాల్సిన పర్మిషన్స్ తమ వద్ద ఉన్నాయని మహర్షి మూవీ యూనిట్ ఎంత చెప్పినా ఎయిర్ పోర్ట్ అధికారులు పట్టించుకోకపోవడంతో.. చేసేది లేక మహేష్ కార్ వ్యాన్ లో వెయిట్ చేస్తున్నాడట. అయితే ఐదారు గంటలైనా షూటింగ్ కి అనుమతి లభించకపోవడంతో… మహేష్ కి మహర్షి టీం మీద, దిల్ రాజు మీద కోపం వచ్చిందని… ఆ కోపంలో మహేష్ అక్కడి నుండి ఇంటికెళ్లిపోయాడనే న్యూస్ హైలెట్ అయ్యింది.