మహేష్ ఫాన్స్ కి పండగే!!

మహేష్ బాబు పరశురామ్ తో కొత్త చిత్రం సర్కారు వారి పాటను గ్రాండ్ గా ప్రకటించడం.. సినిమా పూజ కార్యక్రమాలు చెయ్యడమే కాదు… ఫస్ట్ లుక్ తోనే సినిమాపై భీబత్సమైన అంచనాలు పెంచేసాడు. కాకపోతే కరోనా వచ్చి సినిమా ఇంకా పట్టాలెక్కలేదు కానీ.. లేదంటే ఈపాటికి ఒకటి రెండు షెడ్యూల్స్ చక్కబెట్టేసుకునేవి. ఈ సినిమాలో మొదటిసారి కీర్తి సురేష్ మహేష్ కి జోడిగా కనిపించబోతుంది. బ్యాంకింగ్ వ్యవస్థలోని జరిగే ఫ్రాడ్స్ ఆధారంగా తెరకెక్కుతున్న సర్కారు వారి పాట సినిమా ముచ్చట్లు అంతకన్నా ఎక్కువగా ఏమి బయటికి రాలేదు. కానీ మహేష్ బాబు పుట్టిన రోజు సందర్భంగా సర్కారీ వారి పాట లుక్ వదులుతారనుకుంటే… అసలు సినిమా షూటింగ్ కొద్దిగా కూడా మొదలు పెట్టలేదు. ఇక అందులో లుక్ ఎలా వదులుతారు. అందుకే మహేష్ ఫాన్స్ కి ఈ ఆగష్టు 9 న డిస్పాయింట్ అవుతారని సోషల్ మీడియాలో ప్రచారం జరుగుతుంది.

కానీ తాజాగా మహేష్ సర్కారు వారి పాట మ్యూజిక్ సిట్టింగ్స్ పూర్తి కావడమే కాదు… ఆగష్టు 9 మహేష్ పుట్టిన రోజు కానుకగా.. థమన్ మ్యూజిక్ అందిస్తున్న సర్కారు వారి పాట సినిమాలో టైటిల్ ట్రాక్ ని విడుదల చెయ్యబోతున్నట్టుగా చిత్ర బృందమే హింట్ ఇచ్చింది. మరి మహేష్ సినిమా లుక్ విడుదల కాదేమో అని డిస్పాయింట్ అవుతున్న ఫాన్స్ కి ఈ న్యూస్ తో కాస్త ఊరటనిచ్చింది. మరి హీరోల పుట్టిన రోజులకి వారి కొత్త సినిమాల ప్రకటన కానీ, ఫస్ట్ లుక్స్ కానీ, టీజర్స్, ట్రైలర్స్ ఇలా ఏదో ఒకటి విడుదల చేస్తూ ఆభిమానులను దిల్ ఖుష్ చేసే టైం లో కరోనా వలన చాలామంది హీరోల ఫాన్స్ అడుగడుగునా డిస్పాయింట్ అవుతున్నారు. కానీ కరోనా టైం లో మహేష్ బాబు షూటింగ్ కి వెళ్లకపోయినా అభిమానులకు ట్రీట్ ఇస్తూనే ఉన్నాడు.