చిరంజీవికి బలవంతంగా కేక్ తినిపించబోయాడు.. ఏమైందో తెలుసా?

“మరణమృదంగం” సినిమా షూటింగ్ జరుగుతున్న సమయంలో చిరంజీవిపై విషప్రయోగం జరిగింది. ఆ సినిమా షూటింగ్ జరుగుతున్న టైంలో కొంతమంది అభిమానులు వచ్చారు.. అభిమానుల్లో ఒకరి పుట్టినరోజు అని షూటింగ్ చేస్తున్న చిరంజీవిని ప్రత్యేకంగా కేక్ కటింగ్ ప్రోగ్రాం ఉందని చెప్పడంతో కాదనలేక వెళ్లారు. కేక్ కట్ చేసిన అభిమాని.. ఒక కేక్ ముక్కను చిరంజీవికి తినిపించాలని ప్రయత్నం చేశాడు. చిరంజీవి తాను తినను అని నిర్మొహమాటంగా చెప్పినా గానీ బలవంతంగా చిరంజీవి నోట్లో పెట్టే ప్రయత్నం చేశాడు. ఆ సమయంలో తోపులాట జరగడంతో కేకు మొత్తం కింద పడిపోయింది. కేక్ మధ్యలో రంగు అధికంగా ఉండడంతో చిరంజీవికి అనుమానం వచ్చి నోరు మొత్తం శుభ్రం చేసుకున్నారు. పెదవులు నీలం రంగులోకి మారిపోయాక.. వెంటనే సినిమా అసిస్టెంట్ ని పిలిచి లిప్ కి లిప్ స్టిక్ వేయాలని కోరాడు. రంగు ఇంకా మారుతూ ఉండటంతో వెంటనే చిరంజీవిని హాస్పిటల్ లో జాయిన్ చేశారు. చిరంజీవిపై విషప్రయోగం జరిగిందని వైద్యులు తెలియజేయగానే ఒక్కసారిగా షాక్ అయ్యారు. ఆ రోజంతా హాస్పిటల్ లోనే ఉండి వైద్యుల సూచనతో అన్ని జాగ్రత్తలు తీసుకున్నారు. ఆ విషయంపై ఇటీవల కూడా ఓ ఇంటర్వ్యూలో చెప్పుకొచ్చారు చిరంజీవి. అది చేసింది తనకు బాగా తెలిసిన అభిమాని అని కూడా అన్నారు.