మిస్టర్ మజ్ను కాపీయా..?
మన టాలీవుడ్ డైరెక్టర్స్ కి సొంతంగా కథలు తయారు చేసుకునే అలవాటు లేదేమో.? గత కొంతకాలం నుండి అంతా ఇతర భాషల సినిమాలు చూసి ఇన్స్పైర్ అయ్యి వాటిని మన తెలుగు సినిమాలకి తగ్గట్టుగా మర్చి ఇన్స్పిరేషన్ అనే పేరుతో సినిమా తీస్తున్నారు. వీరి స్వంతంగా ఆలోచనలు రావడం లేదో తెలియదు కానీ ఇలా చాలామంది డైరెక్టర్స్, రైటర్స్ చేస్తున్న ఇలా చేస్తున్నారు. రీసెంట్ గా త్రివిక్రమ్ ఓ విదేశీ సినిమాను తీసుకొచ్చి తన సొంత కథ అన్నట్టు బిల్డ్ అప్ ఇచ్చి పవన్ కళ్యాణ్ తో 'అజ్ఞాతవాసి' సినిమా తీసిన సంగతి తెలిసిందే.
కొత్త సినిమాలు కూడా అవేనా..?
సినిమా రిలీజ్ కి ముందు దాని గురించి ఎంత రచ్చ అయిందో మన అందరం చూసాం. అయినా కానీ మన వాళ్లు మారలేదు. ఈ రోజు విడుదల అవ్వబోతున్న 'దేవదాస్' మీద కూడా ఇలాంటి కామెంట్స్ వస్తున్నాయి. మరి ఇది నిజమో కాదో ఈ రోజు తేలిపోనుంది. ఇక తాజాగా అఖిల్ 'మిస్టర్ మజ్ను' సినిమాపై కూడా ఇటువంటి కామెంట్స్ వస్తున్నాయి. బాలీవుడ్ లో 2008లో రణ బీర్ కపూర్ హీరోగా నటించిన 'ఏ హసీనో' సినిమాకు 'మిస్టర్ మజ్ను' సినిమాకు దగ్గర పోలికలు కనిపిస్తున్నాయి. ఇందులో రణ బీర్ జీవితంలోకి ముగ్గురు అమ్మాయిలు ప్రవేశిస్తారు. ఆ ముగ్గురు అమ్మాయిల్లో రణ బీర్ కి ఎవరిది నిజమైన ప్రేమో తెలుసుకుని వారిని దక్కించుకుంటాడు. ఇది మూవీ స్టోరీ.
టీజర్ లో అవే పోలికలు...
ఈ సినిమాలో దీపికా పదుకునే, బిపాసా బసు, మినిస్సా లాంబా హీరోయిన్స్ గా నటించారు. ఇందులో ఒక పాత్ర విదేశీ అమ్మాయి తరహాలో ఉంటుంది. 'మిస్టర్ మజ్ను' టీజర్ చూస్తుంటే ఆ పోలికలు కనిపిస్తున్నాయి. టీజర్ లో అఖిల్ ఓ విదేశీ అమ్మాయితో రొమాన్స్ చేస్తునట్టు కనిపిస్తాడు. ఆమె చుట్టూ మిస్ మిస్ అని తిరగడం చూసాం. మెయిన్ హీరోయిన్ గా నిధి అగర్వాల్ చేస్తుంది. అలానే మూడో హీరోయిన్ కూడా ఉందని వార్తలు వస్తున్నాయి. అయితే ఆ హీరోయిన్ పేరు బయటికి తెలియనీయడం లేదు. మరి ఇది ఎంతవరకు నిజమో సినిమా రిలీజ్ అయ్యాకే తెలుస్తుంది. 'తొలిప్రేమ' లాంటి ఫీల్ గుడ్ మూవీను మనకు అందించిన వెంకీ అట్లూరి ఈ సినిమాను డైరెక్ట్ చేస్తున్నాడు. డిసెంబర్ లో ఈ సినిమా రిలీజ్ కానుంది.
