Mon Nov 25 2024 17:44:57 GMT+0000 (Coordinated Universal Time)
అల్లువారబ్బాయికి రాజు గారి అబ్బాయి?
పుష్ప సినిమా డిసెంబరు 17వ తేదీన విడుదల కానుంది.ప్రీ రిలీజ్ ఈవెంట్ కు ప్రభాస్ ను రప్పించాలని మేకర్స్ భావిస్తున్నారు.
తెలుగు సినిమా కష్టాలు అనే నానుడి గతంలో ఉండేది. అయితే ఆ నానుడి ఇప్పుడు టాలీవుడ్ కే ఎదురవుతుంది. కరోనా కారణంగా సినీ పరిశ్రమ తీవ్ర ఇబ్బందులు పడుతుంది. అగ్ర హీరోలు తమ సినిమాలను థియేటర్లలోనే రిలీజ్ చేయడానికి ఇష్టపడతారు. ఓటీటీ అంటే కొంత విముఖత చూపుతారు. తాజాగా బాలకృష్ణ అఖండ సినిమాను థియేటర్లలోనే రిలీజ్ చేయడానికి మేకర్స్ రెడీ అయిపోయారు. ఇంతవరకూ బాగానే ఉంది. సినిమా ప్రమోషన్లను కూడా ఒక రేంజ్ లో చేస్తున్నారు.
అఖండ మూవీ....
ఇటీవల అఖండ మూవీ ప్రీ రిలీజ్ ఫంక్షన్ కు ఐకాన్ స్టార్ అల్లు అర్జున్ హాజరయ్యారు. రాజమౌళితో పాటు మిగిలిన దర్శకులు హాజరై థియేటర్లలో సినిమాను బతికించాలని కోరారు. ఇక తాజాగా ఫిలింనగర్ లో మరో ప్రచారం జరుగుతుంది. అల్లుఅర్జున్ నటించిన పుష్ప సినిమా ఈవెంట్ కు ప్రభాస్ వస్తారన్న టాక్ ఉంది. వచ్చే నెల 12వ తేదీన ప్రీ రిలీజ్ ఈవెంట్ నిర్వహించాలని నిర్ణయించినట్లు తెలిసింది.
పుష్ప ప్రీ రిలీజ్ ఈవెంట్ కు...
పుష్ప సినిమా డిసెంబరు 17వ తేదీన విడుదల కానుంది. అయితే ప్రీ రిలీజ్ ఈవెంట్ కు ప్రభాస్ ను రప్పించాలని మేకర్స్ భావిస్తున్నారు. పాన్ ఇండియా మూవీ కావడంతో బాలీవుడ్ హీరోలను కూడా ముఖ్య అతిధులుగా ఆహ్వానించే అవకాశం లేకపోలేదు. మొత్తం మీద బన్నీ సినిమా ఈవెంట్ కు ప్రభాస్ ముఖ్యఅతిధిగా హాజరుకానున్నారన్న వార్తలతో ఇద్దరు హీరోల అభిమానులు ఆ సమయం కోసం ఎదురు చూస్తున్నారు.
- Tags
- allu arjun
- prbhas
Next Story
