పవన్ సినిమా లాస్.. ఎన్టీఆర్ పిలిచి ధైర్యం ఇచ్చారు.. నిర్మాత నాగవంశీ

హారికా హాసిని క్రియేషన్స్ ఈ సినిమాని నిర్మించింది. ఇక ఈ బ్యానర్ నుంచి వచ్చిన నిర్మాత నాగవంశీ.. ప్రస్తుతం సితార ఎంటర్టైన్మెంట్స్ బ్యానర్ పెట్టి వరుస సినిమాలు చేసుకుంటూ ముందుకు దూసుకువెళ్తున్నాడు. తాజాగా నాగవంశీ ఒక ఇంటర్వ్యూలో పాల్గొనగా, అక్కడ మాట్లాడుతూ.. అజ్ఞాతవాసి పరాజయం తరువాత జరిగిన కొన్ని ఆసక్తికర విషయాలను అభిమానులకు తెలియజేశాడు.

"ఆజ్ఞాతవాసి ప్లాప్ తో రెండు మూడు నెలలు పాటు చాలా డల్ అయిపోయాము. దానిని నుంచి బయటకి రాలేకపోయాము. అయితే అప్పటికే త్రివిక్రమ్ దర్శకత్వంలో ఎన్టీఆర్ తో 'అరవింద సమేత వీర రాఘవ' అనౌన్స్ చేసేశాం. దీంతో ఎన్టీఆర్ పిలిచి దైర్యం ఇచ్చారు. ఇంకెన్ని రోజులు ఇలా ఉంటారు. ఈ సినిమా మొదలు పెట్టి ఇదే సంవత్సరంలో హిట్టు కొడదాం పదండి అని ధైర్యం చెప్పారు. జనవరిలో అజ్ఞాతవాసి ప్లాప్ అందుకున్న మేము అదే సంవత్సరం అక్టోబర్ లో ఎన్టీఆర్ అరవింద సమేతతో హిట్ అందుకున్నాము" అని నాగవంశీ వ్యాఖ్యానించాడు.

ప్రస్తుతం ఈ కామెంట్స్ నెట్టింట వైరల్ గా మారాయి. కాగా నాగవంశీ నిర్మించిన 'మ్యాడ్' అనే యూత్ ఫుల్ ఎంటర్టైనర్ సినిమా అక్టోబర్ 6న రిలీజ్ కానుంది. ఈ సినిమాలో ఎన్టీఆర్ బామ్మర్ది 'నార్నె నితిన్‌' ప్రధాన పాత్ర చేస్తున్నాడు. ఈ మూవీ ప్రమోషన్స్ లోనే నాగవంశీ వరుస ఇంటర్వ్యూలు ఇస్తూ వస్తున్నాడు.